جنوبی آئرلینڈ میں پیش آںے والے  ایک عجیب و غریب  واقعے میں ہزاروں بھیڑیں ویاگرا ملا پانی پینے کے بعد ایک ہفتے سے زائد دنوں  تک جنسی  طور پر بے قابو رہیں۔

 تفصیلات کے مطابق یہ واقعہ جنوبی آئرلینڈ کے علاقے رنگاسکیڈی ہاربر بندرگاہ کے نزدیک  پیش آیا جہاں ادویات تیارکرنے والے فائزر نے حادثاتی طور پر  ویاگرا کی بڑی مقدار بہتے پانی میں شامل کردی تھی۔

غیر ملکی خبر رساں ادارے کے مطابق  علاقے  کے سینکڑوں چرواہوں کے لئے یہ حیرت کی بات تھی کہ  ان کی بھیڑیں  جنسی طور پر کیوں بے پناہ متحرک ہوئیں۔

مقامی چرواہے مائیکل مرفی نے اپنے جانوروں  کے بارے میں بات کرتے ہوئے کہا کہ ” میری بھیڑیں  پاگلوں کی طرح برتاؤ کر رہی تھی ” ۔

ادوایات تیار کرنے والے ادارے فائزر نے اعتراف کیا  ہے کہ دوا کی تیاری میں سے ایک پلانٹ نے حادثاتی طور پر رنگاسکیڈی ہاربر کے پانی میں 755 ٹن سے زیادہ ویاگرا پھینکا تھا ۔

واضح  رہے کہ ویاگرا ملا پانی پینے سے 80،000 سے زیادہ بھیڑ اور سینکڑوں  دیگر مویشی متاثر ہوئے۔

کمپنی حکام کے مطابق “اتوار کے روز اس سسٹم کی مرمت کی گئی تھی، مرمت کے دوران  ویا گرا پانی میں حادثاتی طور پر پھینک  دیا گیا تھا۔

    ویٹرنریٖڈاکٹر ز کے مطابق متاثرہ جانور اب پہلے سے بہتر برتاؤ کررہے ہیں لیکن ان کے جنسی افعال کو معمول پر آنے میں ہفتوں لگ سکتے ہیں۔”