مگرمچھ کے گلے سے ٹائر نکالیں اور انعام جیتیں
انڈونیشیا میں حکام نے مگرمچھ کے گلے میں پھنسے موٹر سائیکل کے ٹائر کو نکالنے پر انعام کی پیشکش کی ہے۔
غیر ملکی خبر رساں ادارے کے مطابق حکام نے واضح کیا ہے کہ جو بھی اس خطرناک کام کو انجام دے گا اس ’بہادر شکاری‘ کو رقم سے نوازا جائے گا ۔ لیکن مگرمچھ کو نقصان پہنچائے بغیر اس کے گلے میں پھنسا ٹائر نکالنا ہو گا۔
جنگلی حیات کے تحفظ کے مقامی ادارے کئی سالوں سے 13 فٹ کے مگرمچھ کو اس مشکل سے نکالنے کی کوششیں کر رہے ہیں مگر یہ تمام تر کوششیں اب تک ناکام رہی ہیں۔
مگرمچھ کو گلے میں ٹائر پھنسنے کی وجہ سے سانس لینے میں کس قدر دشواری کا سامنا ہے اور یہ اس کی زندگی کے لیے خطرہ بنا ہوا ہے۔
انڈونیشیا کے صوبے وسطی سلاویسی کے گورنر نے جنگلی حیات کے تحفظ کے مقامی ادارے کو فوری طور پر اس مشکل کا حل نکالنے کی ہدایت کی ہے۔
ادارے کے چیف نے تنبیہ کی ہے کہ یہ اعلان غیر پیشہ ور افراد کے لیے نہیں ہے بلکہ یہ صرف ان کے لیے ہے جو جنگلی حیات کے تحفظ کے بارے میں معلومات رکھتے ہوں۔
انڈونیشیا کے اس صوبے میں قدرتی وسائل کے تحفظ کے ادارے کے سربراہ ہاسمونی ہاسمر نے بتایا ہے کہ ’ہماری عام شہریوں سے گزارش ہے کہ وہ مگرمچھ کے قریب نہ جائیں۔‘
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News