ٹانگوں سے محروم شخص نے اسکائی ڈائیونگ کاخواب پورا کر لیا۔

تفصیلات کے مطابق  امریکا میں دونوں ٹانگوں سے محروم، 90 سالہ شخص نے اسکائی ڈائیونگ کاخواب پورا کر لیا۔

اسٹین رورر اپنی عمر کے 90 سال پورے ہونے پر انہوں نے 13 ہزار فٹ کی بلندی سے جست بھری اور کامیابی سے زمین پر اترے۔

اسٹین رورر ایک عرصے تک ریاضی اور طبعیات پڑھاتے رہے اور اب ریٹائرڈ زندگی گزار رہے ہیں۔

دلچسپ بات یہ کہ اسٹین رورر کی صاحب زادی نے اپنے والد سے کہا کہ وہ بھی ہمت کریں اور ان کے ساتھ ہوائی جہاز سے اسکائی ڈائیونگ کریں۔

بیٹی کی بات پر والد نے فوراً ہاں کہہ دیا، بیٹی نے بتایا کہ انہوں نے والد سے یہ سب مزاق میں کہا تھا لیکن ان کے والد نے اس بات کو پورا کردیکھایا۔

اسٹین روررکے بارے میں بیٹی نے بتایا کہ ان کے والد ٹینس کے بہترین کھلاڑی ہیں۔

اسٹین کی ٹنگوں کی محرومی کی وجہ بیٹی نے بتائی کے 80 کی دہائی میں خون کے لوتھڑوں کی وجہ سے دونوں ٹانگوں سے محروم ہوگئے تھے۔

ان کی بیٹی کے مطابق اس عمر میں بھی ان کے والد کا حوصلہ بہت بلند ہے اور ان کا عزم کئی لوگوں کے لیے جذبہ ابھارنے کی اہم وجہ بھی ہے۔

اس سے قبل وہ موٹرسائیکل کے بہترین ڈرائیور رہے ہیں۔

یاد رہے کہ  اسٹین وہیل چیئر پر ٹینس کھیل کر نوجوانوں کو بھی شکست دیتے ہیں۔

واضح رہے کہ اسٹین کے لیے خصوصی طور پرایک کشتی ڈیزائن کی گئی ہے جسے وہ مہارت سے استعمال کرتے ہیں، اسٹین چھوٹی کشتی کے ذریعے کشتی رانی کے بھی ماہر ہیں۔