فن کارنے ایک ایسے فن کا مظاہرہ کیا جسے دیکھ کرسب حیران ہوگئے۔

تفصیلات کے مطابق امریکا  میں ری سائیکل شدہ بوتل کے 200000 ڈھکنوں سے ماحولیاتی شعور اجاگرکیا گیا ہے۔

یہ خوبصورت فن پارہ رنگ برنگے ڈھکنوں کو پلاسٹر سے چپکا کربنایا گیا ہے جس دیوار پر بنایا گیا ہے اُس کی مجموعی لمبائی 45 میٹر ہے ۔

یاد رہے اس فن کی تیاری میں مجموعی طور پر ڈھائی ماہ کا عرصہ صرف ہوا ہے۔

بوتلوں کے ڈھکنوں کو خاص رنگ دیئے گئے اور اسے احتیاط سے جوڑا گیا تاکہ وہ دور سے کسی صورت یا ماحولیاتی تصور کو واضح کرسکیں۔

جس دیوار پر میورل بنایا گیا ہے وہ ایسکالونا کے قریب واقع ہے جو شہر کاراکاس میں موجود ہے۔

یہاں سے گزرنے والا ہر شخص تصویر دیکھ کر حیران رہ جاتا ہے اور نوجوان آسکرکی کاوشوں کو سراہتا ہے۔

اس میورل میں ماحول، جنگلی حیات اور آب و ہوا میں تبدیلی کو دکھایا گیا ہے۔

یہ فن پارہ مستقبل کی تعمیرات کی تحریک کے تحت بنایا گیا ہے جس کے تحت پورے وینزویلا میں خوبصورت شاہکار بنائے جارہے ہیں۔

سب سے پہلے پوری دیوار پر سفید رنگ کیا گیا س کے بعد پلاسٹر کو لیپا گیا اور اس پر احتیاط سے ڈھکنے چپکائے گئے ۔

آخر میں پورے میورل کو حتمی طور پر خوبصورت اور ہموار بنایا گیا۔

اس کے علاوہ سورج مکھی کے پھول، سبز پہاڑیاں اور دیگر چھوٹے بڑے ماحولیاتی عناصر دکھائے گئے ہیں۔

واضح رہے کہ وینزویلا میں یہ اپنی نوعیت کا پہلا میورل ہے جو عوام میں ماحول کا شعور اجاگر کرنے کے لیے تخلیق کیا گیا ہے اور اس ہی وجہ سے 23 سالہ آسکر اولیواریز کے اس کام کو بہت سراہا جا رہا ہے۔