انسان کی بڑھتی ہوئی عمر کے ساتھ ہی اسکی یادداشت کمزور ہونے لگتی ہے، یہ کوئی بھولنے کی بیماری نہیں ہوتی ہے بلکہ یہ ایک فطری عمل ہے ۔

آپ اپنی یادداشت کو عطائیوں یا نیم حکیموں کی دواؤں سے تیز نہیں کر سکتے۔

جب ہم اپنے دماغ کے کسی شعبے سے پوری طرح کام نہیں لیتے تو اس کی کارکردگی متاثر ہونے لگتی ہے۔

ہم میں بیشتر افراد ایسے موجود ہیں جو اپنی دماغی صلاحیتوں کو پوری طرح استعمال نہیں کرتے۔بعض لوگ اپنے دماغ پر بھروسہ کرنا چھوڑ دیتے ہیں لیکن یاد رکھیے، ہمارا دماغ ہمارے بہترین دوست کی مانند ہے۔

دماغ وہی کام کرتا ہے جو کام ہم اس سے لینا چاہتے ہیں۔جس طرح دوست کے خلوص پر شک اسے آپ سے بدظن کرنے کے لئے کافی ہوتا ہے اسی طرح اپنی دماغی کارکردگی پر شک کرنے کا بھی اچھا نتیجہ نہیں نکلتا ہے۔

اس لئے چیزوں کو یاد رکھنے کی کوشش کریں چاہے وہ اسکے نام سے ہو یا پھر اسکی صفات کے ذریعے ہو۔

اسکے علاوہ کسی شخص کے نام کو ہم مختلف حوالوں سے وابستہ کر کے ذہن نشین کر سکتے ہیں۔

مثلاً ایک شخص منصف خان کا آپ سے تعارف کرایا جاتا ہے۔ آپ اس کے نام میں دلچسپی لیں اور اس سے اس کے نام کے معنی پوچھیں تو آپ کو پتا چلے گا کہ اس نام کے معنی قانون کے کسی شعبے سے وابستہ ہیں۔

علاوہ ازیں  آپ اس سے وہ صفتیں وابستہ کریں جو اس شعبے سے متعلق افراد کا خاصہ ہوتی ہیں۔ جب آپ اس عمل کو اپنے ذہن میں ایک بار دہرائیں گے تو وہ شخص اور اس کا نام مدتوں تک نہیں بھولے گا۔

[amazonad categoryElectronics”]