اگر سلائی صحیح نہ آئے یا مشین خراب ہو جائے تو آپ کے پاس اس کو صحیح کرنے کے دو طریقے ہیں جن کی مدد سے آپ اس کو گھر میں خود ٹھیک کرسکتے ہیں۔

اگر پرزے ٹھیک ہوں گے اندر سے تو یہ فوری ٹھیک ہو جائے گی، لیکن اگر اس کے پرزوں میں زنگ لگ گیا ہوگا تو آپ کو لازمی کاریگر سے صحیح کروانی پڑے گی۔

باریک سلائی کرنے کا طریقہ:

سلائی مشین کے سائیڈ میں لگے ہوئے سٹیل کے پن کو اوپر نیچے کریں اور جہاں 1 نمبر لکھا ہوا ہے اس تک پن کو رکھیں۔

  اگر  بڑی سلائی کرنی ہے تو اس سٹیل کے پن کو اوپر نیچے نمبروں پر سیٹ کرلیں۔ بہتر یہ ہوگا کہ ایک سفید کاغذ کو مشین میں لگا لیں اور اس پر سی کر چیک کرلیں، اس سے سلائی کا صحیح اندازہ ہو جائے گا۔

سلائی مشین تیزی سے چلانا:

اگر سلائی مشین کو چلاتے ہوئے بھاری پن محسوس ہو یعنی کہ مشین بہت آہستگی سے چل رہی ہو تو سب سے پہل ایک اکلے پڑے کو مشین میں لگا دیں ارو پھر مشین کے ہر پرزے میں مشین کا تیل لگائیں اور پھر مشین چلائیں۔

اگر مشین نرمی سے چل رہی ہے تو ٹھیک ہے، لیکن اگر نہیں چل رہی تو مشین کے اوپری حصے میں موجود گز کو بالکل نیچے کرلیں اور اس میں تیل ڈال دیں۔

سلائی مشین کی صفائی کے چند طریقے:

اگر مشین کے ساتھ موٹر کا استعمال کرتے ہیں تو اس کے سائیڈ والے پیچ کھول کر اندر سے کاربن یا سکے تبدیل کرلیں، کاربن اور سکے تو آپ کو مشین کے ساتھ بھی ملتے ہیں ارو بازار میں 20 روپے میں پیکٹ بھی بآسانی مل سکتا ہے۔

 اگر اس میں ہتھی لگی ہوئی ہے، یعنی آپ اس کو ہاتھ سے ہی چلاتی ہیں تو اس کو اچھی طرح آئل سے صاف کرلیں اور کچھ دیر کے لئے چھوڑ دیں، پھر اس کی صفائی کرکے استعمال کریں تو یہ ٹھیک ہو جائے گی اور سلائی بھی آسانی سے کرے گی۔

[amazonad categoryElectronics”]