ہری مرچ کا استعمال وزن کم کرنے میں مدد فراہم کرتا ہے اس کے لئے ہری مرچ کو اپنے کھانوں میں استعمال کا حصہ بنالیں کیونکہ اس کے استعمال سے میٹا بولزم کی مقدار زیادہ ہوتی ہے۔

ہری مرچ میں  زیرو کیلوریز بھی ہوتی ہیں جبکہ اس میں فائبر بھی پایا جاتا ہے اور جس کھانے میں فائبر پایا جائے وہ باآسانی ہضم ہو جاتا ہے۔

کھانے کے ساتھ ہری مرچ کے استعمال سے گیس کے مسئلے سے نجات ملتی ہے، بھوک نہ لگنے کی صورت میں سلاد میں ہری مرچوں کا استعمال کرنا بے حد مفید ہے۔

اس کے علاوہ جس سالن میں ہری ہرچ کا استعمال کیا جائے وہ بھی بھوک بڑھانے میں مدد دیتا ہے ۔

ہری مرچ میں بہت زبردست اینٹی ایجنگ خصوصیات بھی پائی جاتی ہیں جو آپ کو لمبے عرصے تک جوان رکھ سکتی ہیں، جو ہری مرچ کا باقاعدہ استعمال کرتے ہیں لمبے عرصے تک ان کے چہرے پرجھریاں نظر نہیں آتیں، خشک اسکن کے لئے ہری مرچ کو سلاد میں شامل کرکے کھائیں۔

ہری مرچ کا استعمال آنکھوں کے لئے بہت بہترین ہے کیونکہ اس میں بیٹ کیروٹین پایا جاتا ہے جو کہ آنکھوں کےلئے بہت مفید ہے، اس کے استعمال سے آنکھیں مختلف قسم کے انفیکشنز سے محفوظ رہتی ہیں۔

ہری مرچ کا استعمال ہاضمے کے نظام کے لئے انتہائی مفید ہے جس کھانے میں ہری مرچ شامل ہو وہ کھانا ہضم آور ہو جاتا ہے۔