ماہرین کے مظابق ہری سبزیوں کے بہت فائدے ہوتے ہیں اور یہ انسانی جسم کو بھرپور غذائیت اور توانائی بھی فراہم کرتی ہیں۔

لیکن کیا آپ جانتے ہیں کہ پالک میں ایسی کونسی قدرتی غذائیت چھپی ہوئی ہے جو انسان کو بہت سی بیماریوں سے دور رکھ سکتی ہے؟

اگر نہیں تو آج اس آرٹیکل میں ہم آپ کو پالک اور اس میں موجود غذائیت کے حوالے سے بتائیں گے۔

اپنی غذائیت کی وجہ سے ہری ہری پالک کے بے شمار طبی فوائد ہیں،جن میں چند جوکہ اہم ترین ہیں ، آج ہم آپ کو بتا رہے ہیں۔

 پالک میں شامل اجزاء جسم میں موجود اضافی چربی کے اخراج کا بہت بڑا ذریعہ ہے۔

پالک وٹامن کے سے بھرپور ہوتا ہے، جو ہڈیوں کی مضبوطی کے لئے نہایت ضروری ہے۔

 پالک وٹامن اے، کے، ڈی اور ای کے علاوہ مختلف اقسام کے منرلز سے بھرپور ہوتا ہے۔

غذائیت سے بھرپور پالک معدے کے امراض سے بھی نجات دلاتا ہے۔

 پالک میں موجود کیروٹینوئڈز نامی جزو کے باعث آنکھوں کی بیماریوں سے حفاظت ممکن ہے۔

 پالک اُن چند سبزیوں میں سے ایک ہے جو شوگر میں مبتلا ہونے کا خطرہ ٹالنے میں مددگار ثابت ہوتی ہے۔

جو لوگ روزانہ کچھ مقدار میں پالک کا استعمال کرتے ہیں اُن میں شوگر کا خطرہ دیگر افراد کے مقابلے میں 14 فیصد کم ہوتا ہے۔

اسکے علاوہ 100 گرام پالک میں 23 کیلوریز،91 فیصد پانی، 2.9 گرام پروٹین ، 3.6گرام کاربز، 0.4گرام گلوکوز / فیکٹوز، 2.2گرام فائبر اور0.4گرام فیٹ ہوتا ہے۔

 پالک میں وٹامن اے، وٹامن سی (جوکہ مدافعتی نظام کو بہتر بناتاہے)، وٹامن k1 (جوکہ خون جمانے میں اہم کردار نبھاتاہے)۔

پالک میں فولک ایسڈ (حاملہ خواتین کے لئے اچھا ہوتاہے او ر انسانی جسم کے خلیات کو بہتر انداز میں کام کرنے میں مدد فراہم کرتا ہے)، آئرن (ہیموگلوبن بنانے او ر آکسیجن کو جسم کے تمام خلیات تک پہنچانے میں اہم کردار ادا کرتاہے)، کیلشیم (جو کہ ہڈیوں کو مضبوط بنانے میں اپناکردار نبھاتاہے) وافر موجود ہوتاہے۔

ان تمام چیزوں کو اگر سپلیمنٹ ٹیبلٹ کی صورت میں لیا جائے تو اس پر ہزاروں کا خرچہ آسکتا ہے، تاہم اگر پالک کو مختلف انداز سے چیزوں میں شامل کرکے وقتاً فوقتاً کھالیاجائے تو اس سے ہزاروں روپے میں دستیاب مختلف ملٹی وٹامنز جیسے فوائد حاصل کئے جاسکتے ہیں ۔