کم عمر بچے والدین کی اجازت کے بغیر فیس بک استعمال نہیں کرسکتے

عروبہ خان

27th Oct, 2021. 02:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کم عمر بچے والدین کی اجازت کے بغیر فیس بک استعمال نہیں کرسکتے

فیس بک کی جانب سے قوانین میں کچھ تبدیلیاں کی گئیں ہیں جس کے بعد اب کم عمر بچوں کو فیس بک استعمال کرنے کے لئے والدین کی اجازت درکار ہوگی۔

رپورٹس کے مطابق آسٹریلیا میں 16 سال سے کم عمر کے بچوں کو فیس بک یا انسٹاگرام لاگ ان کرنے کے لئے اپنے والدین کی اجازت مطلوب ہوگی۔

آسٹریلیا کے قانون کے مطابق فیس بک یا انسٹاگرام استعمال کرنے کے لئے کم سے کم عمر 13 سال سے زائد ہونی لازمی ہے جس کے لئے مصنوعی ذہانت کا استعمال کیا جائیگا۔

قانون کے تحت صارفین کمپنی سے اپنی ذاتی معلومات حاصل کرسکیں گے اور کسی کمپنی کو روک سکیں گے کہ وہ اس کی معلومات تیسرے فریق کو نہ دے۔

تاہم، قانون صارفین کو یہ حق نہیں دے گا کہ وہ کمپنی سے اپنی معلومات کو ڈیلیٹ کرنے کا مطالبہ کریں۔

ان مجوزہ قوانین کے تحت، ای سیفٹی کمشنر کو یہ اختیار حاصل ہوگا کہ وہ آن لائن پوسٹ کیے گئے ہتک آمیز مواد کے دعووں کی چھان بین کرے اور سروس فراہم کرنے والوں کو نوٹس جاری کرے۔

اگر نوٹس جاری ہونے کے 48 گھنٹوں کے دوران پوسٹس کو نہیں ہٹایا گیا تو مواد پوسٹ کرنے والے اور سوشل میڈیا پلیٹ فارم کو ہتک عزت کا ذمہ دار ٹھہرایا جائے گا۔

خیال رہے کہ اس قانون کا اطلاق فیس بک، انسٹاگرام، ریڈٹ، اونلی فینز، بومبل، واٹس ایپ اور زوم پر بھی ہوگا۔