جاپان: اسپتال میں 30 سال تک ٹوائلیٹ کا پانی پینے کےلیے استعمال ہونے کا انکشاف

مہدی قاضی

22nd Nov, 2021. 09:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جاپان: اسپتال میں 30 سال تک ٹوائلیٹ کا پانی پینے کےلیے استعمال ہونے کا انکشاف

جاپان کےایک اسپتال میں 30 سال تک ٹوائلٹ کا گندا پانی پینے کے صاف پانی کے طور پر استعمال ہونے کا انکشاف ہوا ہے۔

غیر ملکی خبر رساں ادارے کے مطابق ایک اسپتال میں تقریباً 30 سال تک ٹوائلٹ کا پانی پینے کے صاف پانی کے طور پر استعمال کیے جانے کا انکشاف اوساکا یونیورسٹی کی جانب سے کیا گیا۔

غیر معمولی واقعہ گزشتہ ماہ نظروں میں آیا جس کے بعد اوساکا یونیورسٹی کے محقق اور اسپتال کے نائب صدر کازوہیکو ناکاٹانی نے معذرت کی۔

اوساکا یونیورسٹی کی جانب سے بتایا گیا کہ اسپتال ڈپارٹمنٹ کے پانی کے کچھ نلکے غلطی سے ٹوائلٹ کے ساتھ جوڑ دیے گئے تھے۔

جب 1993 میں اسپتال کی تعمیر ہوئی تو اس کے 120 نلکے غلط لگا دیے گئے اور ان نلکوں سے آنے والا پانی حیران کن طور پر ہاتھ دھونے، پینے اور غرارے کرنے کے لیے استعمال کیا جاتا رہا۔

خبر کے مطابق کیمپس کے اندر 100 سے زائد عمارتیں ہیں جو ٹریٹڈ پانی کا استعمال کررہی ہیں۔

اسپتال حکام کا کہنا تھا کہ وپ پائپنگ کو چیک کریں گےمسئلے کوحل کریں گے۔