ایک تحقیق میں یہ بات سامنے آئی ہے کہ آرٹک کے کچھ حصوں میں 2060 تک بارش برفباری کی جگہ لے لی گی۔

یونیورسٹی آف مینیٹوبا کے محققین نے ایک تحقیق میں پچھلے موسمی ماڈلوں کا تازہ ترین تخمینوں کے ساتھ موازنہ کیا۔

تحقیق کے مطابق عالمی درجہ حرارت بڑھنے کی وجہ سے سمندر کی برف پگھلنے میں اضافہ آرٹِک میں پریسیپیٹیشن لیولز کو بڑھا رہے ہیں۔یہ خطہ دنیا کے دیگر علاقوں کی نسبت تیزی سے گرم ہوتا جا رہا ہے اور ایسی ماحولیاتی تبدلیاں لا رہا ہے جو صرف بدتر ہوں گی۔

مثال کے طور پر برسات میں اضافہ موجودہ برف کی سطح پر مزید برف جما دیگا جس کے نتیجے میں بارہ سنگھے چارہ تلاش نہیں کرسکیں گے۔

تاہم اس کا اثر صرف آرٹِک تک ہی محدود نہیں رہے گا۔ کم ہوتی برف کےسبب دنیا شمسی شعاؤں کو منعکس کرنے کی صلاحیت کھوتی جارہی ہے جس کا نتیجہ درجہ حرارت میں مزید اضافہ ہے۔

تحقیق میں ملنے والی معلومات کے مطابق محققین نے دنیا بھر کے حکام سے موسمیاتی تغیر کے متعلق سخت پالیسیاں متعارف کروانے کی درخواست کی ہے۔

تحیقیق کے سربراہ ڈاکٹر میشیل مک کرسٹل کا کہنا تھا کہ تبدیلیاں مزید شدید اور تخمینہ لگائے گئے عرصے سے بہت پہلے ہو رہی ہیں جس کے اثرات آرٹِک کے اندر اور باہر دونوں جگہ ہوں گے۔