ڈی این اے میچ، 25 سال پرانے قتل کا معمہ حل

ویب ڈیسک

12th Dec, 2021. 11:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈی این اے میچ، 25 سال پرانے قتل کا معمہ حل

ڈی این اے میچ ہو جانے پر 25 برس پرانا قتل کا کیس حل کر لیا گیا۔

حکام کے مطابق سان فرانسسکو بے ایریا کی ویٹریس کے قتل کا معمہ 25 سال بعد ڈی این اے میچ ہو جانے کے بعد حل ہوگیا۔

کاؤنٹی شیرف کے آفس سے جاری بیان میں کہا گیا کہ ملزم ڈینی لیمونٹ ہیملٹن کے خلاف 24 ستمبر 1996 کو مبینہ طور پرِسیلا لوئس کو زیادتی اور لوٹ مار کی کوشش کے دوران کروکٹ شہر کے ایک ریسٹورانٹ میں ڈبو کر قتل کرنے کا مقدمہ درج کیا گیا۔

بیان میں کہا گیا کہ تفتیش کاروں کیجانب سے درجنوں لوگوں کے انٹرویو کیے جانے اور شواہد جمع کرانے کے بعد بھی کیس الجھا رہا۔

بیان میں مزید کہا گیا کہ تفتیش کاروں نے گزشتہ برس ڈی این اے کرائم لیب میں ایک اضافی ثبوت جمع کرایا جو میچ کر گیا اور ہیملٹن کا جرم سے تعلق بن گیا۔

حکام کے مطابق ہیملٹن جنسی تشدد کے جرم میں سین ڈیے گو کے قریب سرکاری جیل میں عمر قید کی سزا کاٹ رہا ہے۔

تاہم اس بات کا علم نہیں کہ آیا اس کے پاس وکیل ہے کہ نہیں جو اس کی نمائندگی کر سکے۔

پرِسیلا لوئس کی کزن ٹرائے کنسلو کا کہنا تھا کہ لوئس کے قتل نےانہیں سالوں تک ڈرا کر رکھا۔