امریکی شخص سانپوں کو بھگانے کے چکر میں اپنا گھر جلا بیٹھا

ویب ڈیسک

04th Dec, 2021. 11:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی شخص سانپوں کو بھگانے کے چکر میں اپنا گھر جلا بیٹھا

امریکی ریاست میری لینڈ میں ایک شخص سانپوں سے چھٹکارہ پانے کے لیے اپنا گھر جلا بیٹھا۔

مونٹگو میری کاؤنٹی فائر ڈیپارٹمنٹ حکام کے مطابق میری لینڈ کے علاقے پُولز ویلے میں ایک شخص نے گھر میں بسے سانپوں سے چھٹکارہ پانے کے لیے حادثاتی طور پر اپنے گھر کو آگ لگا دی۔

گھر کا مالک دھوئیں کا استعمال کرتے ہوئے سانپوں کو گھر سے بھگانے کی کوشش کررہا تھا۔

اطلاعات کے مطابق ایسا کرنے کے دوران آگ بھڑک اٹھی جس نے گھرکو جلا کر راکھ کردیا۔ آتشزدگی کے نتیجے میں مالک مکان کا 10 لاکھ ڈالرز کا نقصان ہوا۔

فائر ڈیپارٹمنٹ کے ترجمان پیٹی پِرنگر کے مطابق تہہ خانے میں لگنے والی آگ کو بُجھانے کےلیے 75 فائر فائٹرز کو بلایا گیا۔

پِرنگر نے مزید کہا کہ آگ حادثاتی طور پر کوئلوں کو آتشگیر مواد کے قریب رکھنے کی وجہ سے لگی۔ واقعے میں کوئی جانی نقصان نہیں ہوا۔

تاہم سانپوں کے متعلق کچھ نہیں کہا جاسکتا۔