برطانوی کمپنی ’اسپیس میموریبلیا‘ ہیروں کو فروخت سے قبل خلاء میں موجود انٹرنیشنل اسپیس اسٹیشن بھیجنے کا منصوبہ بنارہی ہے۔ کمپنی ہیروں کے خلاء سے واپیس آنے کے بعد 45 ہزار ڈالرز تک میں فروخت کرے گی۔

لیورپور میں قائم کمپنی دی اسپیس کلیکٹِو ستمبر2022 میں اسپیس ایکس کے ڈریگن کیپسول میں ہیروں کو خلاء میں بھیجنے کا ارادہ رکھتی ہے۔ اس سے قبل کمپنی نے کپڑں کے لیبل اور ناموں کے ٹیگ زمین کے مدار میں بھیجے تھے۔

لانچ کے بعد ہیرے اسپیس سینٹر کے بیرونی حصے میں چھ ماہ گزاریں گے۔ ہیروں کی زمین پر واپسی مئی 2023 میں اسپیس ایکس کیپسول سے ہوگی اور اس سے اگلے ماہ انہیں گاہکوں کو دے دیا جائے گا۔

دی اسپیس کلیکٹِو لوگوں کو ان کے دوستوں، خاندان کے افراد یا پالتو جانوروں کی تصاویر اُس ہی کیپسول میں بھیجنے کی بھی پیشکش کررہی ہے جس کی قیمت 337 ڈالرز ہوگی۔

تصاویر اور ہیرے دونوں فلائٹ ہسٹری کی دستاویزات کے ساتھ آئیں گے جو ان کے خلاء میں تیرنے کو ثابت کرتے ہوں گے۔

اسپیس کلیکٹِو کے مطابق تصدیقی مقاصد کے تحت ہر ہیرے پر لیزر سے نقش کندہ کیے جائیں گے۔

ایک بار ہیروں کو خلاء میں پہنچادیا جائے تو وہ وہاں کے شدید ماحول میں چھ ماہ گزار کر واپس زمین پر اہنے خریداروں کے پاس آجائیں گے۔