ایک نئی تحقیق میں معلوم ہوا ہے کہ امریکی ریاست اوہائیو میں ہرنوں میں کووڈ-19 کے ٹیسٹ مثبت آگئے ہیں۔ ممکنہ طور پر ان تک یہ وائرس انسانوں سے پنہچا ہے۔

اوہائیو اسٹیٹ یونیورسٹی کے سائنس دانوں نے نو شمال مشرقی اوہائیو کے علاقوں میں 360 ہرنوں کا پی سی آر ٹیسٹنگ کے ٹیسٹ کیا۔

تمام نو علاقوں کے 129 ہرنوں میں وائرس کی تشخیص مثبت آئی لیکن اس کی کوئی علامت ظاہر نہیں ہوئی۔

چھ علاقوں سے محققین کو SARS-CoV-2 کے تین ویریئنٹ B.1.2, B.1.582 اور B.1.596ملے۔

SARS-CoV-2 ممکنہ طور پر ہرن سے کسی دوسرے جانور یا انسان میں منتقل ہوتے وقت نئے وائرس کو آگے بڑھا سکتا ہے اگرچہ اس بات کا کوئی ثبوت سامنے نہیں آیا ہے۔

سائنس دانوں کو یہ علم نہیں ہے کہ ہرن متاثر کیسے ہوئے اگرچہ خیال کیا جا رہا ہے کہ ان میں وائرس نواح میں رہنے والے انسانوں سے پنہچا ہو۔

ٹیم کا خیال ہے کہ ہرن آلودہ پانی پینے کی وجہ سے متاثر ہوئے۔

ماضی میں ہونے والی ایک تحقیق کے مطابق یہ بات سامنے آ چکی ہے کہ وائرس انسانوں کے فضلے اور ضائع پانی میں زندہ رہتے ہیں۔

سائنس دانوں کو یہ بھی نہیں معلوم کہ ہرن انسانوں اور دیگر جانوروں کو متاثر کر سکتے ہیں کہ نہیں، وائرس جانوروں کے جسم میں کیسے برتاؤ کرتا ہے اور آیا یہ قلیل مدت انفیکشن ہے یا طویل مدت۔

تشویش ناک بات یہ ہے کہ ہرنوں میں SARS-CoV-2 بغیر تغیر کے بچ سکتا ہے جبکہ اسی وقت میں انسانوں میں تبدیلی جاری رکھتا ہے۔ ایسے ویریئنٹ جن سے لڑنے کی طاقت انسان کی مدافعتی نظام میں نہیں وہ واپس ہرنوں سے انسان میں آ سکتے ہیں۔