گوگل نے قائد اعظم کی پیدائش پر ڈوڈل جاری نہیں کیا

ویب ڈیسک

25th Dec, 2021. 08:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گوگل نے قائد اعظم کی پیدائش پر ڈوڈل جاری نہیں کیا

ہر اہم موقع پر ڈُوڈل جاری کرنے والے گوگل نے بانی پاکستان قائدِ اعظم محمد علی جناح کے 146ویں یومِ پیدائش کے موقع پر ڈُوڈل جاری نہیں کیا۔

ایسا پہلی بار نہیں ہوا کہ گُوگل نے قائدِ اعظم کا ڈُوڈل جاری نہ کیا ہو۔ اس سے پہلے بھی کبھی گوگل نے قائد اعظم یا علامہ اقبال کا کوئی ڈُوڈل جاری نہیں کیا۔

گوگل نے پاکستان کے لیے ڈوڈل جاری کرنے کا سلسلہ یکم مئی 2010 یومِ مزدور سے شروع کیا۔

تب سے اب تک گُوگل کئی نامور شخصیات کے ڈوڈل جاری کر چکا ہے۔

ان شخصیات میں عبدالستار ایدھی، استاد نصرت فتح علی خان، مہدی حسین، اقبال بانو، نازیہ حسن، نور جہاں،رُتھ فاؤ، بانو قدسیہ کرکٹر محمد حنیف، وحید مراد، سعادت حسن منٹو، معین اختر، فاطمہ ثریا بجیا اور وحید مراد سمیت دیگر شامل ہیں۔

2010 سے اب تک گُوگل پاکستان کے لیے 72 ڈُوڈل جاری کر چکا ہے۔ تاہم ایک بار بھی بانی پاکستان قائد اعظم محمد علی جناح کا ڈُوڈل جاری نہیں کیا گیا ہے۔

وضح رہے ایک روز قبل 24 دسمبر کو گوگل نے معین اختر کی یومِ پیدائش پر ڈوڈل جاری کیا تھا۔

گُوگل کی جانب سے ڈوڈل جاری کرنے کی یہ رِیت 23 سال قبل 30 اگست 1998 کو شروع کی گئی۔