حقیق زندگی کے Ant Man ایڈورڈ او ولسن 92 برس کی عمر میں انتقال کر گئے۔

ہارورڈ یونیورسٹی کے بائیولوجسٹ ایڈورڈ او وِلسن کو چالس ڈارون کا قدرتی وارث کہا جاتا تھا۔

ای او ولسن بائیو ڈائیورسٹی فاؤنڈیشن کی ویب سائٹ میں آنے والے ایک اعلان میں کہا گیا کہ کیڑے مکوڑوں کے متعلق بطور اینٹو مولوجسٹ کام شروع کرنے کیوجہ سے ایڈورڈ ant man کے نام سے جانے جاتے تھے۔

ان کا انتقال 26 دسمبر کو میساچوسٹس میں ہوا۔

فاؤنڈیشن کے چیئرمین بورڈ ڈیوڈ جے پرینڈ نے ایک بیان میں کہا کہ ایڈورڈ کے سائنسی کارناموں کو کم بیان کرنا مشکل ہے لیکن ان کا اثر معاشرے ہر پہلو تک پینچا ہے۔

انہوں نے مزید کہا کہ ایڈورڈ حقیقی طور پر دور اندیش ہونے کے ساتھ متاثر کرنے اور بجلی دوڑا دینے کی صلاحیت رکھتے تھے۔ انہوں نے شاید کسی سے بھی بہتر انداز میں بتایا کہ انسان ہونے کا کیا مطلب ہے۔

پروفیسر اور دو بار پُلِٹزر پرائز جیتنے والے مصنف پہلی بار 1975 میں توجہ کا مرکز بنے جب ان کی کتاب Sociobiology: The New Synthesis آئی، جس میں انہوں نے انسانی رویے اور جینیات کے درمیان تعلق کی بات کی۔

کتاب نے بڑے پیمانے پر تنازعہ کھڑا کیا۔ سماجی کارکنان اور ساتھی اکیڈمِکس نے انقلابی تھیوریز کا جنسیات، نسل پرستی اور نازی ازم سے موازنہ کیا۔