محققین نے ایک نئی قسم کی بیٹری بنائی ہے جو لچک دار بھی ہے اور اس کو دھویا بھی جاسکتا ہے۔

نئی بنائی گئی اس بیٹری کو بَل دیا جاسکتا ہے، اس کی لمبائی سے دُگنا کھینچا بھی جا سکتا ہے اور واشنگ مشین میں کپڑوں کی طرح دھویا بھی جاسکتا ہے۔

یونیورسٹی آف برِٹش کولمبیا میں پوسٹ ڈاکٹرل فیلو ڈاکٹر ںیوپ ٹین کا کہنا تھا کہ پھہنے جانے والے الیکرانکس کی بڑی مارکیٹ ہے اور کھینچی جانے والی بیٹریز ان کے بڑھاوے کے لیے ضروری ہیں۔

انہوں نے کہا کہ تاہم اب کھنچنے والی بیٹریز دھونے کے قبل نہیں تھیں۔ یہ ہمارے روز مرہ کے استعمال کی اشیاء کے لیے ایک اہم اضافہ ہے۔

روایتی بیٹریوں میں اندرونی سطحیں سخت خول میں لگی ہوتی تھیں لیکن اس نئی بیٹری میں محققین نے اہم کیمیکلز جیسے کہ زنک اور مینگنیز ڈائی آکسائیڈ کو باریک پیس کر ربر پولیمر میں ملادیا۔

یہ کمیکلز تیزابی کیمیکلز بنانے والی لیتھیم-آئن بیٹریز سے زیادہ محفوظ ہیں۔

یہ پوری بیٹری اس پلاسٹک کی متعدد انتہائی باریک تہوں کو جوڑ کر بنائی گئی ہے جو ایئر ٹائٹ اور واٹر پروف سِیل بنا دیتی ہے۔

محققین اب بیٹریک کے پاور آؤٹ پُٹ اور لائف سائیکل کی بہتری کے لیے کام کر رہے ہیں۔ انہیں امید ہے کہ جب یہ بیٹری صارفین کے استعمال کے لیے مارکیٹ میں پینچے گی اس کی قیمت عام ری چارج ایبل بیٹری جتنی ہی ہوگی۔

گھڑیوں اور میڈیکل پٹیوں کی طرح بیٹری کپڑوں میں بھی استعمال ہو سکے گی جو کپڑوں کا رنگ یا درجہ حرارت بدل سکے گی۔

بیٹری کے متعلق مقالہ ایڈوانس انرجی مٹیریلز شائع ہوا ہے۔