ملکہ برطانیہ کے ریوڑ 26 ہنسوں کو دریائے ٹیمز کے کنارے واقع ونڈسر پیلس میں جانوروں کے ڈاکٹروں نے برڈ فلو کو پھیلنے سے روکنے کے پیشِ نظر نظر تلف کر دیا۔

کم از کم چھ پرندوں کے متعلق یہ خیال کیا جا رہا ہے کہ وہ برڈ فلو سے مرے۔ جبکہ ایک اور پرندہ گزشتہ صبح کو مردہ پایا گیا جس کے بعد ہلاک ہونے والے پرندوں کی تعداد 33 ہوگئی ہے۔

ڈیپارٹمنٹ فار انوائرنمنٹ، فوڈ اینڈ رورل افیئرز نے سوان لائف لائن کے ڈاکٹروں کو ہنسوں کو تلف کرنے کے لیے طلب کیا۔

واضح رہے برطانیہ میں کُھلے پانی میں پائے جانے والے ’میوٹ سوانز‘،ہنسوں کی قسم برطانیہ میں پائی جانے والی تین اقسام میں سب سے عام ہے، ملکہ کی ملکیت میں ہیں۔

خبر رساں ادارے کے مطابق ملکہ کے سوان مارکر ڈیوڈ باربر نے مبینہ طور پر ملکہ کو اس معامل سے آگاہ کر دیا ہے جس کے بعد وہ اداس ہیں اور انہیں کسی بھی خبر سے آگاہ رکھنے کے لیے کہا ہے۔

یہ ملکیت وِنٹرنرز کمپنی اور ڈائرز کمپنی کے ساتھ شیئر کی جاتی ہے۔ ان دونوں کو شاہی تخت نے 15 ویں صدی میں ملکیت کے حقوق دیے تھے۔

12 ویں صدی سے جاری اس رسم یعنی سوان اپنگ کے موقع پر دونوں کمپنیاں سوان کو دریائے ٹیمز میں پکڑتیں، ان پر نشان لگاتیں اور چھوڑ دیتیں۔

سوان اپنگ اب ہنسوں کے سالانہ طبی معائنے کے لیے کی جاتی ہے۔