امریکی ریاست مِشیگن کی اوکلینڈ کاؤنٹی میں ایک خاتون کی اسپیم میل میں آنے والی ایک ای میل نے ان کی زندگی بدل دی۔

55 سالہ لارا اسپیرز کو 30 لاکھ ڈالرز کی لاٹری کی ای میل اسپیم میل کے فولڈر میں ملی۔

اسپیم میلز ان غیر مطلوب ای میلز کو کہتے ہیں جس عموماً اشتہاری کمپنیاں بھیجتی ہیں یا جب کوئی بہت سارے لوگوں ایک ساتھ ای میل بھیجتا ہے تو وہ اسپیم میل میں چلی جاتی ہیں۔

لاٹری کے منتظمین نے جمعے کو اعلان کیا کہ لارا اسپیئرز نے نیو ایئر کی شام مِشیگن لاٹری کے میگا ملین انعام کے لیے پانچ گیندیں میچ کی تھیں۔

لیکنانہیں اپنے نمبر چیک کرنے کا خیال نہیں آیا تھا اور شاید انہیں کبھی اس بات کا علم بھی نہیں ہوتا اگر وہ اپنا اسپیم فولڈر کھول کر نہ دیکھتیں۔

عموماً اسپیم میلز میں ان کے میسجز آتے ہیں جو لوگوں کو جھانسہ دے  کر لوٹتےہیں۔

اسپیئرز کا کہنا تھا کہ وہ اپنی کچھ گمشدہ میلز ڈھونڈ رہیں تھیں لہٰذا انہوں نے اپنے ای میل اکاؤنٹ کا اسپیم فولڈر کھولا۔

انہوں نے کہا کہ اس وقت انہوں نے ایک ای میل دیکھی جس میں کہا گیا تھا کہ میں لاٹری جیت چکی ہوں۔

ان کا مزید کہنا تھا کہ وہ یقین نہیں کر سکیں جو وہ پڑھ رہیں تھیں، لہٰذہ وہ اپنے لاٹری اکاؤنٹ میں لاگ ان ہوئیں تاکہ میسج کی تصدیق کر سکیں۔ وہ ان کے لیے حیران کن تھا کہ وہ وقعی 30 لاکھ ڈالرز جیت چکی ہیں۔

ان کی حقیقی جیت کی رقم 10 لاکھ ڈالرز تھی لیکن انہوں نے لاٹری کی ’میگاپلائیر‘ آفر پر ایک اضافی ڈالر خرچ کیا جس کی وجہ سے ان کی کُل رقم تین گُنا ہوگئی۔

انہوں نے کہا کہ انہوں نے مِشیگن لاٹری کو ان کی سیف سینڈرز لسٹ میں شمار کر لیا ہے۔