چاہے انسٹاگرام ہو یا کینڈی کرش، ہم میں سے اکثر لوگ اپنے اسمارٹ فونز میں انسٹال ایپلی کیشن میں کھو جاتے ہیں۔

اب ایک نئی تحقیق کی گئی ہے جس میں بتایا گیا ہے کہ لوگ کس حد تک اپنی ایپس میں مشغول رہتے ہیں۔

YouGov کی جانب سے کیے گئے ایک سروے میں معلوم ہوا ہے کہ ہر چار میں سے ایک شخص ایپس استعمال کرنے میں اتنا مشغول ہوتا ہے کہ اس کے لیے دوستوں کے ساتھ تعلقات برقرار رکھنے میں مشکلات کا سامنا ہوتا ہے۔

‘App fog’ کے نام سے جانا جانے والا یہ عمل اس کنفیوژن کے نتیجے میں ہوتا ہے جب دوستوں کو میسج کرنے کے لیے متعدد ایپس کا استعمال کیا جائے۔

اسمارٹ فون صارفین یہ بھول جاتے ہیں کون، کونسی ایپلی کیشن استعمال کرتا ہے اور نتیجتاً گفتگو میں حاضر نہیں رہ پاتے۔

YouGov کے ایک پول میں معلوم ہوا کہ تین میں ایک شخص کا کہنا تھا کہ اس چیز کے نتیجے میں ان سے کوئی اہم تقریب چھوٹی ہوتی ہے۔

جبکہ 10 میں سے ایک نے کہا کہ اس کی وجہ سے ان کا دوستوں سے رابطہ ختم ہوا یا ان کے تعلقات پر منفی اثرات مرتب ہوئے۔

نصف کے قریب-47 فی صد- لوگوں کا کہنا تھا کہ وہ صرف میسیجنگ ایپ استعمال کرتے اگر وہ سکتے ہوتے۔

1966 اسمارٹ فون صارفین سے لیے جانے والا سروے میں معلوم ہوا کہ وہ لوگ جو دو ایپس استعمال کیا کرتے تھے ان میں 23 فی صد افراد ایپ فوگ کا شکار تھے۔

یہ شرح بڑھ کر 38 فی صد ہوگئی جب ایپس کی تعداد تین ہوئیں اور وہ لوگ جو پانچ یا اس سے زیادہ ایپس استعمال کرتے تھے ان میں یہ شرح 43 فی صد تک تھی۔