اس دور جدید کے دوران ٹیکنالوجی میں بھی اس قدر جدت آچکی ہے کہ چھوٹا بچہ بھی آسانی سے سمجھ سکتا ہے۔

اس دور میں والدین اپنے بچوں کو جسمانی کھیل کود کے بجائے موبائل یا ٹیبلٹ تھما دیتے ہیں جو کہ بعد میں انہی کے لئے نقصان دہ ثابت ہوتا ہے۔

 حال ہی میں امریکہ میں ایک ایسا واقع پیش آیا ہے جس میں دیکھا گیا ہے کہ 2 سالہ بچے نے کھیل سمجھ کر ہزاروں ڈالر کا سامان آرڑد کردیا ہے۔

 یہ واقع مدھو کمار نامی بھارتی نژاد امریکی خاتون کے گھر کا جہاں ایک ہفتے تک آن لائن آرڈر کی جانے والی چیزیں ڈیلیور ہوتی رہیں۔

خاتون کا خیال تھا کہ یہ آرڈر ان کے بڑے بچوں نے یا پھر ان کےشوہر نے  آن لائن کیا ہوگا لیکن جب تفتیش کی گئی تو یہ حرکت ان کے 2 سالہ بیٹے کی تھی۔

 ان کے بیٹے کا نام ایانش ہے جس نے اپنی والدہ کے فون میں ویب سائٹ پر آن لائن چیزوں کا آرڈر دے ڈالا جس کی قیمت ہزاروں ڈالر تھی۔

 اس سامان میں کرسیاں، گلدان اور دیگر گھر کی سجاوٹ کا سامنا موجود تھا جو کہ اب مدھو کمار کے گھر میں سجا ہوا ہے۔

اپنے بیٹے کی اس حرکت پر مدھو کو غصہ نہیں آیا بلکہ وہ اس کی معصومیت پر نہال ہورہیں تھیں اور ساتھ ہی آئندہ کے لئے ایک ہدایت بھی ہوگئی کہ موبائل ہمیشہ لاک کر کے بچے کے ہاتھ میں دینا ہے۔