زمین کے دفاع کے لیے خلاء میں بھیجے گئے ناسا کے پہلا اسپیس کرافٹ نے اپنی پہلی تصویر بھیجی ہے جس میں بہت سارے ستارے دیکھے جا سکتے ہیں

ناسا کےDART کو 24 نومبر کو اسپیس کرافٹ کو کیلیفورنیا کے وینڈینبرگ اسپیس فورس بیس سے اسپیس ایکس فیلکن پر خلاء میں بھیجا گیا تھا۔

مشن کو خلاء میں بھیجنے کا مقصد زمین سے 68 لاکھ میل کے فاصلے پر موجود سیارچے سے ٹکرا کر اس کا رخ بدلنا ہے۔

لانچ ہونے کے بعد اسپیس کرافٹ نے اپنی آنکھ کھولی اور پہلی تصویر زمین پر بھیجی جو آپریشنل اعتبار سے ایک اہم سنگِ میل ہے۔

ایک سال لمبے سفر میں اس اسپیس کرافٹ کو 15 ہزار میل فی گھنٹہ کی رفتار سے ستمبر 2022 میں ڈِمورفوس نامی چھوٹے سیارچے سے ٹکرا جانا ہے۔

یہ سیارچہ ڈِڈائمس نامی ایک بڑے سیارچے کے گرد گھومتا ہے۔

ناسا کے مطابق 7 دسمبر بروز منگل اسپیس کرافٹ نے اپنے DRACO ٹیلی اسکوپ کیمرا کا کوور کھولا اور اپنے اطراف کے ماحول کی پہلی تصویر بھیجی۔

یہ تصاویر تب لی گئیں ہیں جب مشن زمین سے 20 لاکھ میل دور ہے۔ یہ فاصلہ جیمز ویب اسپیس ٹیلی اسکوپ کی حتمی منزل سے دُگنا ہے۔

اسپیس کرافٹ کی جانب سے شیئر کی جانے والی پہلی تصویر درجنوں ستارے خلاء کے سیاہ پس منظر میں صاف دِکھائی دے رہے ہیں