برف میں لپٹے سیارے یورینس اور نیپچون عموماً سرخیوں میں نہیں آتے کیوں کہ سائنس دانوں کی زیادہ تر توجہ سیارے مشتری اور زحل تک ہی رہتی ہے یا وی کائنات کی گہرائیوں سے راز نکالنے کی کوشش میں رہتے ہیں۔

پہلی نظر میں یورینس اور نیپچون سپاٹ سے سیارے دِکھتے ہیں۔ لیکن اپنی باہری سطحوں کےنیچے شاید کچھ زبردست چیز ہے اور وہ ہے وہاں پر ہیروں کی مستقل بارش۔

’آئس جائنٹس‘ کے نام سے پکارے جانے والے ان سیاروں کا عام معنوں کے اعتبار سے برف سے کچھ لینا دینا نہیں ہے۔ اصل میں اس کا تعلق اس بات سے ہے کہ وہ کس چیز کے بنے ہیں۔

نظامِ شمسی کے گیس جائنٹس مشتری اور زحل تقریباً پورے ہی ہائیڈروجن اور ہیلیم گیس کے بنے ہیں۔

ان عناصر کے فوری طور پر بڑھنے کی وجہ سے یہ سیارے پھُول کر اتنے بڑے ہوگئے ہیں۔

اس کے برعکس یورینس اور نیپچون پانی، امونیا اور میتھین کے بنے ہیں۔

ماہرین فلکیات ان عناصر کو عموماً ’آئیسز‘ مالیکیولز کہتے ہیں لیکن کوئی اچھی وجہ نہیں ہے سوائے اس کے کہ جب شروع میں سیارے وجود میں آئے تو یہ عناصر ٹھوس شکل میں تھے۔

ہیروں کی بارش

ہیروں کی بارش کا خیال سب سے پہلے 1977 میں  Voyager 2 مشن بھیجنے سے پہلے پیش کیا گیا تھا۔ اس کی وجہ کافی سادہ سی تھی کہ ہم جانتے ہیں کہ یورینس اور نیپچون کس چیز کے بنے ہیں، اور ہم یہ بھی جانتے ہیں کہ سیارے کی گہرائی میں جانے کے ساتھ مواد گرم اور گاڑھا ہونے لگتا ہے۔

میتھمیٹیکل ماڈلنگ نے تفصیلات کو بھرنے میں مدد دی۔ جیسے کہ ان سیاروں کے مینٹلز کے اندر کی سطحوں کا درجہ حرارت 7000 کیلونز(6727 ڈگری سیلسیس) کے قریب ہے اور دباؤ زمین کے ایٹماسفیئر سے 60 لاکھ گُنا زیادہ ہے۔

یہی ماڈل بتاتا ہے کہ ان مینٹلز کی باہری سطحیں کسی حد تک ٹھندی ہیں اور ان کا درجہ حرارت 2000 کیلونز(1727 ڈگری سیلسیس) ہے۔ وہاں دباؤ بھیکم ہے اور زمین کی نسبت دو لاکھ گُنا زیادہ ہے۔

لہٰذا یہ بات پوچھنا فطری ہے کہ اس قسم کے درجہ حرارت اور دباؤ پر پانی، امونیا اور میتھین کا کیا بنتا ہے؟

شدید دباؤ میتھین کو توڑ سکتے ہیں جس سے کاربن خارج ہوگی۔کاربن کو پھر اپنے جیسے مالیکیول مل جائیں گے اور ایک طویل چین بنے گی۔ یہ طویل چین پھر آپس میں مل جائے گی اور ہیروں کی طرح کرسٹلین کا طرز اختیار کر لے۔

بھاری ہیرا بنتا ہے اور پھر مینٹل کی سطحوں سے نیچے گرتا ہے جب تک شدید گرم نہ ہو جائے۔ گرم ہونے کے بعد بھانپ بنتا ہے اور پھر اڑ کر اوپر چلا جاتا ہے اور یہ چکر جاری رہتا ہے۔ اس عمل کو نام دیا گیا ’ہیروں کی بارش‘ کا۔