سائنس دانوں نے پانچ دواؤں کے مرکب سے مینڈک کی کھوئی ہوئی ٹانگیں دوبارہ اُگا دیں۔ سائنس دان یہ تکنیک اب مملیوں پر آزمائیں گے۔

بڑی عمر کے مینڈک جو قدرتی طور پر دوبارہ اعضاء بڑھانے کے قابل نہیں ہوتے، ٹیم نے ان پر ادویات کا استعمال کرتے ہوئے اور زخموں کی جگہ سیلیکون کا جامہ لگا کر دوبارہ ٹانگیں اُگا دیں۔

18 ماہ کے عرصے میں مینڈکوں کی ٹانگیں تقریباً مکمل طور پر فعال ہوگئیں، جس میں بغیر ہڈی کے پنجے بھی شامل ہیں جنہیں وہ تیرنے کے لیے استعمال کرتے ہیں۔

امریکی محققین پُرامید ہیں کہ ان کا طریقہ کار ان کے مقصد یعنی انسانوں میں دوبارہ ہاتھ پیروں کے اُگنے کی جانب ایک قدم مزید آگے لے کر جائے گا۔

فی الحال، قدرتی طور پر دوبارہ فعال ہاتھ پیروں تک لاکھوں لوگوں کی رسائی نہیں ہے جو ٹراما، ذیابیطس یا دیگر وجوہات کی بنا پر اپنے ہاتھ پیر کھو چکے ہیں۔

یہ تحقیق میساچوسٹس کی ٹفٹس یونیورسٹی اور بوسٹن میں قائم ہارورڈ یونیورسٹی کے وائز انسٹیٹیوٹ کے ماہرین نے کی۔

ٹفٹس یونیورسٹی کے ایلن ڈسکوری سینٹر کی ریسرچ ایفیلی ایٹ اور تحقیق کی مصنفہ نروشا مُروگن کا کہنا تھا کہ یہ دیکھنا دلچسپ ہے کہ جو ادویات انہوں نے چنیں وہ تقریباً پوری ٹانگیں بنانے میں مدد گار ثابت ہوئیں۔

ٹیم یہ ری جنیریٹِو عمل افریقی مینڈکوں پرکیا جو ٹانگوں سے محروم تھے۔

مینڈکوں کے زخموں کو سیلیکون کیپ سے ڈھکا گیا جس میں سِلک پروٹین جیل تھا جو پانچ دواؤں کے مرکب سے پھرا ہوا تھا۔