برطانیہ کے شہزادہ چارلس نے اپنی پوتی لِلیبیٹ سے پہلی بار ملنے کی امید پر شہزادہ ہیری اور ان کے خاندان کو برطانیہ میں اپنے ساتھ قیام کرنے کی دعوت دے دی۔

گزشتہ برس جون میں کیلیفورنیا میں پیدا ہونے کے بعد سے شہزادہ چارلس نے اپنی پوتی کو آمنے سامنے نہیں دیکھا۔

خبر رساں ادارے کے مطابق شہزادہ ہیری اور ان کی اہلیہ میگھن کی شاہی ذمہ داریاں ترک کرنے کے بعد پہلی بار کی جانے والی یہ پیش کش کرسمس سے پہلے کی گئی۔

تاہم، شہزادہ ہیری کی جانب سے میٹروپولیٹن پولیس کی جانب سے ٹھوس سیکیورٹی کی فراہمی کے بغیر واپسی کو مسترد کرنے نے خاندان کے ملاپ کو شک میں ڈال دیا ہے۔

ذرائع کے مطابق گزشتہ ماہ میں خاندان والوں نے متعدد موقعوں پر خندہ پیشانی سے رابطہ قائم کیا ہے۔

ذرائع کے مطابق پرنس آف ویلز شہزادہ چارلس اپنے پوتے پوتی کے ساتھ وقت گزارنے کا موقع نہ مل پانے پر افسردہ ہیں اور انہیں بہت یات کرتے ہیں۔

ذرائع کا کہنا تھا کہ یہی وہ چیز ہے جس کی وجہ سے انہوں نے ہیری، میگھن اور بچوں کو، کبھی بھی برطانیہ آنے پر اگر وہ چاہیں تو اپنے ساتھ رہنے کی پیش کش کی۔

شاہی تحفظ کے سابق سربراہ نے شہزادہ ہیری کو خبردار کیا ہے کہ وہ برطانیہ کا دوران کرنے اور تحفظ کے حصول کے لیے من مرضی نہیں کر سکتے۔