مشہور گلوکارہ و اداکارہ ریحانہ موسمیاتی جسٹس کے لیے لڑنے کے لیے ڈیڑھ کروڑ ڈالرز عطیہ کرنے کا عہد کیا ہے۔

گلوکارہ یہ عطیہ اپنی کلیرا لائنل فاؤنڈیشن کے ذریعے ادا کریں گی۔

ریحانہ نے اپنی فاؤنڈیشن کا نام اپنے نانا نانی کے نام پر رکھا ہے۔

ریحانہ کی جانب سے دی جانے والی یہرقم  کیریبین ممالک اور امریکا میں کام کرنے والی 18 کلائمیٹ جسٹس تنظیموں میں تقسیم کی جائے گی جن میں کلائمیٹ جسٹس الائنس، دی اِنڈیجینیس انوارنمنٹل نیٹورک اور موومنٹ فار بلیک لائیوز شامل ہیں۔

باربیڈوس سے تعلق رکھنے والی ریحانہ کا کہنا تھا کہ موسمیاتی تباہیاں، جو تواتر اور شدت کے حساب سے بڑھ رہی ہیں، تمام برادریوں کو یکساں متاثر نہیں کرتی ہیں۔ دوسرے رنگوں کی برادریاں اور جزیروں پر رہنے والی اقوام موسمیاتی تغیر کی تباہیوں کا سامنا کرتی ہیں۔

کلیرا لائنل فاؤنڈیشن کے ایگزیکٹِیو ڈائریکٹر جسٹن لوکاس کا کہنا تھا کہ پیسے دینے والوں کو نچلی سطح پر تنظیموں کے ساتھ، ان کی اپنی برادی کی گہری سمجھ کو مانتے ہوئے، اشتراک قائم کرنا ہوگا۔

نومبر میں ریحانہ کو، جو دنیا کی سب سے امیر ترین خاتون گلوکارہ ہیں، باربیڈوس کی وزیر اعظم نے قومی ہیرو قرار دیا تھا۔

وزیر اعظم میا موٹلے کا ریحانہ کے لیے اس وقت کہنا تھا ’آپ ہیرے کی طرح چمکتی رہیں اور اپنے کام اور عمل سے اپنی قوم کا وقار بڑھاتی رہیں۔‘