قدرتی آفات اپنے فوری تباہ کن اثرات کے متعلق جانی جاتی ہیں لیکن ایک نئی تحقیق میں انکشاف کیا گیا ہے کہ طویل مدت میں یہ آفات بندروں کی عمر کو تیزی سے بڑھا سکتی ہیں۔

محققین نے پورٹو رِیکو کے بندروں کے جزیرے کے نام سے جانے جانے والے جزیرے کایو سینٹیاگو سے 2017 میں طوفان ماریہ سے پہلے اور بعد میں بندروں کے جینیاتی نمونے لیے۔

تحقیق میں محققین کو معلوم ہوا کہ تباہ کن پانچویں درجے کے طوفان نے جینیاتی طور پر بندروں کی عمر تقریباً دو سال اوسطاً بڑھائی، جو انسان کی سات سے آٹھ سال کی زندگی کے متوازی ہے۔

نتائج نے بتایا کہ خطرناک موسمیاتی وقوعات بندروں میں خطرناک حیاتیاتی نتائج تک لے جاسکتے ہیں۔

جبکہ قدرتی آفات کا انسانوں کی عمر بڑھنے سے کسی قسم کا تعلق ابھی ثابت ہونا باقی ہے۔

بندر اور انسانوں میں کئی رویے اور حیاتیاتی خصوصیات مشترک ہیں۔ ان میں یہ بات بھی شامل ہے کہ ہمارے اجسام کی عمر کیسے بڑھتی ہے جو اس بات کی جانب اشارہ کرتی ہے کہ عمر کے متعلق یہی اثر انسانوں میں بھی درست ہوگا۔

یہ نئی تحقیق کیریبیئن پرائمیٹ ریسرچ سینٹر، یونیورسٹی آف پینسِلوینیا، یونیورسٹی آف ایکسیٹر، نیو یارک یونیورسٹی اور نارتھ کیرولائنا سینٹرل یونیورسٹی کے ماہرین پر مشتمل بین الاقوامی ٹیم نے کی۔

ایریزونا اسٹیٹ یونیورسٹی کے اسکول آف لائف سائنس کے اسسٹنٹ پروفیسر اور تحقیق کے مصنف نوح سنائیڈر-میکلرکا کہنا تھا کہ ہماری تحقیق کے نتائج بتاتے ہیں کہ وہ جن کا سامنا قدرتی آفات سے ہوا تھا ان کے مدافعتی خلیات جین میں تبدلیاں کئی طریقوں سے عمر بڑھنے کے اثرات سے مشترک تھیں۔