ایک نئی تحقیق میں اسمارٹ فون کی لت میں سب سے زیادہ مبتلا ہونے والی اقوام کی فہرست جاری کر دی گئی۔

مک گِل یونیورسٹی کے محققین نے دنیا بھر کے 24 ممالک کے تقریباً 34 ہزار شرکاء 2014 سے 2020 کے درمیان اسمارٹ فون کے ڈیٹا کا استعمال کیا۔

تحقیق میں محققین کو معلوم ہوا کہ چین، سعودی عرب اور ملائیشیا میں اسمارٹ فون استعمال کرنے کی شرح سب سے زیادہ تھی جبکہ جرمنی اور فرانس میں یہ شرح سب سے کم تھی۔

حیران کن طور پر 24 اقوام میں برطانیہ 16 ویں نمبر پر جبکہ امریکا اُس سے بھینیچے یعنی 18ویں نمبر پر پایاگیا۔

یہ تحقیق کینیڈا کے شہر مونٹریال میں قائم مک گِل یونیورسٹی کے محققین کی جانب سے کی گئی جو جرنل کمپیوٹرز اِن بیہیویر میں شائع ہوئی۔

ٹیم کا تحقیق مقالے میں کہنا تھا کہ ہم نے مسئلہ کن اسمارٹ فون کے استعمال کا میٹا-اینالسز کیا، جس کی توجہ کا مرکز نوجوان تھے۔

ٹیم نے مزید بتایا کہ اسمارٹ فون کے مسئلہ کن استعمال میں اضافہ دنیابھرمیں 2014 سے 2020 کے درمیان ہوا اور ہمیں توقع ہے کہ یہ رجحان جاری رہے گا۔

تحقیق کے لیے ٹیم نے گزشتہ 81 شائع تحقیقوں کا مطالعہ کیا جو بالغوں اور نوجوانوں کے فون کے استعمال پر کی گئیں تھیں، تمام اسمارٹ فون ایڈِکشن اسکیل (SAS) پر مبنی تھیں۔

تحقیق میں شریک ہونے والوں کی عمر 15 سے 35 برس کے درمیان تھی۔ اگرچہ شرکاء کی اوسط عمر 28.8 سال تھی، اور شرکاء میں زیادہ تعداد خواتین کی تھی(60 فی صد)۔