ایک نئی تحقیق میں معلوم ہوا ہے کہ مشروم کی شکل کے مائیکرو پِلرز سے بنے باریک سانچے جس کے اوپر انتہائی سوراخ ہوتے ہیں چھپکلی کو ضرورت کے وقت ان کی دم جلدی سے الگ کرنے میں مدد دیتے ہیں۔

جمعرات کو جرنل ’سائنس‘ میں شائع ہونے والی تحقیق میں صرف اس بات پر روشنی نہیں ڈالی گئی کہ عمومی اوقات میں مضبوط دِکھنے والی یہ کیسے ضرورت کے وقت باآسانی الگ ہوجاتی ہے لیکین یہ شاید ایسی نئی ٹیکنالوجیز تک لے جاسکتی ہے جو چپکنے اور جلدی سے الگ ہوجانے کے چیلنجز کو حل کرے۔

متعدد چھپکلیوں کی اقسام فوری طور پر اپنی دم کو علیحدہ کر کے اپنا شکار کرنے والوں کو دھوکا دینے کی کوشش کرتی ہیں، اس خصوصیت کو ’آٹوٹومی‘ کہا جاتا ہے۔

تاہم، چھپکلی دم اس کی حرکت اور چھلانگ میں توازن قائم رکھنے کا اہم کام بھی کرتی ہے اور اس کی ضرورت اکثر اوقات اپنی جگہ پر مستحکم رہنے کے لیے ہوتی ہے۔

متحدہ عرب امارات میں قائم نیو یارک یونیورسٹی ابو ظہبی کے سائنس دانوں بشمول نوواجیت ببن کا کہنا ہے کہ ابتدائی مطالعوں میں چھپکلی کی دم کی حصہ وار اناٹمی کو بیان کیا گیا ہے لیکن دم کے فوری الگ ہونے کے مکینزم جس کی وجہ سے آٹوٹومی کا عمل ہوتا ہے، مکمل طور پر نہیں سمجھا گیا۔

اس تحقیق کے لیے چھپکلیوں کی ٹوٹی ہوئی دموں اور ان کے ٹوٹے ہوئے حصوں کا مائیکرواسکوپ کے ذریعے مطالعہ کیا گیا۔