4 فروری 2022 سے بیجنگ میں شروع ہونے والے ونٹر اولمپکس میں جعلی ونٹر ونڈر لینڈ تشکیل دیا جائے گا۔

موسمیاتی تغیر کی وجہ سے بین الاقوامی اسپورٹس گیمز میں میں مصنوعی برف بچھائی جائے گی۔

جورجیا اسٹیٹ یونیورسٹی کی شراکت میں لکھی جانے والی رپورٹ کے مطابق چھوٹا ہوتا موسمِ سرما، کم برفباری اور پگھلتی برف کی وجہ سے عالمی سطح کے ایونٹ میں مصنوعی برف استعمال کی جارہی ہے۔

کیوں کہ میزبان شہروں میں موسم مختلف ہوگا اور برف ہمیشہ دستیاب نہیں ہوگی تو سائنس دانوں نے اس مسئلے کا حل مصنوعی برف بچھا کر نکالا تاکہ موسمِ سرما کا نظارہ پیش کیا جاسکے۔

لیکن اس مصنوعی نظارے کی بھی ایک قیمت ہوگی۔

رپورٹ کے مطابق اس ایونٹ میں 12 لاکھ کیوبک مصنوعی برف کے لیے 4 کروڑ 90 لاکھ گیلن پانی، پنکھے سے چلنے والے 130 برف بنانے والے جنریٹر اور 300 برف بنانے والی بندوقوں کی ضرورت ہوگی۔

جورجیا اسٹیٹ پروفیسر ٹِم کیلیسن، جو اس رپورٹ کے شریک مصنف ہیں، نے بتایا کہ ہر چیز کے کام کرنے کے لیے ایونٹ کے منتظمین کو بڑی مقدار میں پانی کی سپلائی اور آلات کے لیے پاور کی ضرورت ہوگی۔ اور اس کے ساتھ انہیں سازگار موسم کی ضرورت بھی ہوگی تاکہ مصنوعی برف کو سنبھالا جاسکے، کیوں کہ مصنعی برف بھی پگھلتی ہے۔