ایک نئی تحقیق میں انکشاف ہوا ہے کہ اسرائیل میں ملنے والا 15 لاکھ سال پُرانا انسان کا مہرہ بتاتا ہے کہ قدیم انسان نے افریقا سے یوریشیاء کی جانب ہجرت کی تھی۔

سائنس دانوںنے مہرے کی باقیات کا تجزیہ کیا جسے 1966 میں عبیدیا کے مقام سے دریافت کیا گیا تھا۔

محققین کے مطابق یہ مہرہ ایک لڑکے کا ہے جس کی موت کے وقت عمر چھ سے 12 سال کے درمیان ہوگی۔ لڑکے کا قد اس کی عمر کے اعتبار سے زیادہ یعنی تقرئباً 6.5 فٹ تک تھا۔

تاہم، یہ نہیں معلوم کہ وہ کیسے یا کیوں مرا لیکن اس کی باقیات قدیم ترین انسان کا ثبوت دیتی ہیں۔

دریافت ہونے والے اس مہرے اور جورجیا سے دریافت ہونے والی باقیات میں سائز میں اختلاف بتاتا ہے کہ افریقا سے دو مختلف انسانوں کی آبادیاں کچھ ہزار سالوں کے فرق سے یورپ آئیں۔

قدیم انسانوں کی ہجرت کرنے والی پہلی لہر تقریباً 18 لاکھ سال قبل جورجیا پینچی جبکہ دوسری لہر مشرقِ وسطی کے اس حصے میں 15 لاکھ سال قبل پہنچی۔

اس نئی تحقیق کی رہنمائی بار اِلان یونیورسٹی، اُونو اکیڈمی کالج، یونورسٹی آف ٹلسا اور اسرائیل انٹیکٹیز اتھارٹی کے محققین نے کی۔

باقیات کا سائز اور اوسیفیکیشن نے ماہرین کو اس شخص کی موت کے وقت عمر کا تعین کرنے میں مدد دی۔

اوسیفیکیشن وہ عمل ہوتا ہے جس میں عمر کے ساتھ انسان کی ہڈیاں بنتی ہیں۔