چین میں نوکیلے خول والے ڈائنو سار کی باقیات دریافتبول نیوز

چین میں نوکیلے خول والے ڈائنو سار کی باقیات دریافت

ویب ڈیسک

16th Mar, 2022. 06:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین میں نوکیلے خول والے ڈائنو سار کی باقیات دریافت

چین کے جنوب مغربی حصے میں نوکیلے خول والے ڈائنو سار کی نئی قسم کی باقیات دریافت ہوئی ہیں۔

ماہرینِ باقیات کا کہنا تھا کہ یہ قسم ایک تھائریوفورن کی ہے، اس گروپ میں اسٹیگوسارس اور اینکائلوسارس بھی شامل ہوتے ہیں۔

ان کا تعلق ابتدائی جراسکِ دور، تقریباً 17.4 کروڑ سال سے لے کر 19.2 کروڑ سال کے درمیان سے ہے۔

یوشی سارس کوپچکی نامی یہ ڈائنو سار ایشیاء میں دریافت ہونے والا اب تک کا سب سے پُرانا آرمرڈ ڈائنو سار ہے۔

اس نئی قسم کی جسامت بھاری تھی، منفرد نوکیلا خول تھا اور اس کی کھوپڑی میں متعدد غیرمعمولی خصوصیات تھیں۔

بالخصوص ان ہڈیوں کے حوالے سے جو اس کے دماغ کے گرد ہوتی ہوں گی۔

لندن کے نچرل ہسٹری میوزیم کے سائنس دانوں نے ڈائنو سار کی یہ قسم جنوبی چین میں صوبے یونّان سے دریافت کیں۔

تحقیق کے سربراہ مصنف پروفیسر پال بیریٹ کا کہنا تھا کہ اگرچہ ہمارے پاس پہلے ایشیاء کے زرہ بکتر والے ابتدائی ڈائنو سات کی باقیات تھیں۔ یہ پہلی بار ہوا ہے کہ ہمارے پاس اتنا مٹیریل ہے کہ ہم نئی قسم کی شناخت کر سکیں اور اس کی ارتقاء کی تاریخ کی تحقیق کر سکیں۔

انہوں نے کہا کہ انہیں امید ہے یہ کئی نئی ڈائنو سار کی اقسام میں سے ایک ہو جس کو یونّان کے مقامی ماہرین دریافت کیا ہو۔