سب سے بڑا شکاری ڈائنو سار کا انوکھا طرزِ زندگیبول نیوز

سب سے بڑا شکاری ڈائنو سار کا انوکھا طرزِ زندگی

ویب ڈیسک

23rd Mar, 2022. 11:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سب سے بڑا شکاری ڈائنو سار کا انوکھا طرزِ زندگی

ایک نئی تحقیق میں معلوم ہوا ہے کہ سب سے بڑا شکاری ڈائنو سار، اسپائنوسارس، پانی سے محبت کرنے والا گوشت خور تھا جو اپنے شکار کے پیچھے پانی میں غوطے لگا کرتا تھا۔

ماہرینِ باقیات کریٹیسیئس دور کے آخر کے جانور کے متعلق طویل عرصے سے اس بحث میں الجھے ہوئے تھے کہ آیا یہ پانی میں تیر کر آبی حیات کا شکار کرتے تھے یا اتھلے پانی میں سے پکڑتے تھے۔

نیچر نامی جرنل میں شائع ہونے والے نئے مقالے میں ایک ماہرینِ باقیات کے گروپ نے اس ڈائنو سار کی ہڈی کی کثافت پر تحقیق کی جس میں اس بات کا تعین کیا گیا کہ اسپائنو سارس بے شک زیر آب جا کر اپنا شکار کرتے ہوں گے۔

یونیورسٹی آف پورٹس ماؤتھ کے ماہرِ باقیات اور نیشنل جیوگرافک کے ایکسپلورر ڈاکٹر نِذار ابراہیم کی سربراہی میں ایک ٹیم نے شمالی افریقا کے صحارہ صحرہ سے اسپائنو سارس کے ڈھانچے کے مختلف حصوں کو دریافت کیا۔

ڈھانچے کے ڈائنو سار کے نتھنے بند تھے، پچھلی ٹانگیں چھوٹی تھیں، پیڈل نما پیر تھے اور مچھلی کے پر کی طرح دم تھی۔ تمام اشارے یہ بتاتے ہیں کہ اس کا طرزِ زندگی آبی تھا۔