107 سال قبل اینٹارکٹیکا کے ساحل میں برف کے سمندر میں پھنس کر ڈوبنے والے سیر ارنسٹ شیکلیٹن کے جہاز انڈیورنس کا ڈھانچہ ڈھونڈ لیا گیا ہے۔

فیکلینڈ میری ٹائم ہیریٹیج ٹرسٹ کا کہنا تھا کہ لکڑی کا یہ جہاز، جس کو 1915 میں ویڈل سمندرمیں سفر پر جانے کے بعد سے نہیں دیکھا گیا، 9 ہزار 868 فِٹ کی گہرائی سے برآمد ہوا۔

جہاز کے ڈھانچے کی زبردست تصاویر میں دیکھا جاسکتا ہے کہ یہ حیران کن طور پر محفوظ ہے۔ جہاز کو سمت دینے والا پہیہ ابھی تک جُڑا ہوا ہے اور جہاز کے اسٹرن پر اس کا نام ’انڈیورنس‘ ابھی بھی واضح ہے۔

انڈیورنس 22 ایکسپیڈیشن جنوبی افریقا کے دارالحکومت کیپ ٹاؤن سے رواں سال فروری میں سر ارنسٹ کی سویں برسی کے ایک ماہ بعد اس جہاز کی تلاش میں نکلا تھا۔

انڈیورنس کے کپتان فرینک وورسلے جہاز کے ڈوبنے کی جو جگہ درج کی تھی، جہاز اس جگہ سے تقریباً چار میل جنوب میں پایا گیا، لیکن اس ہی علاقے میں پایا گیا جس کا ٹیم نے تلاش پر نکلنے سے قبل تعین کیا تھا۔

1915 میں سر ارنسٹ شیکلیٹن اور ان کے عملے نے پہلی بار اینٹارکٹیکا کی سرزمین کو عبور کرنے کی کوشش شروع کی، لیکن انڈیورنس زمین تک نہیں پہنچ سکا اور برف میں پھنس گیا، جس کی وجہ سے جہاز پر سوار 28 افراد جہاز چھوڑنے پر مجبور ہوئے۔