ایک تحقیق میں معلوم ہوا ہے کہ ہر پانچ میں سے ایک بیٹ مین کی طرح ’خود ساختہ چوکیدار‘ کا روپ دھار لیتا ہے اور دوسروں کے رویوں کو روز مرّہ کی بنیاد پر دیکھتا ہے اور وہ جو اصولوں کی پیروی نہیں کرتے ان کو سزا دیتا ہے۔

یہ خصوصیت ان ’خود ساختہ چوکیداروں‘ کو مخصوص مواقع پر عمل کرنے کے لیے بڑھاتی ہے جہاں ان کا خیال ہوتا ہے کہ حکام انصاف فراہم کرنے میں ناکام ہوگئے ہیں اور یہ ان کی اناء کو تقویت بخشتی ہے۔

یہ خود ساختہ چوکیدار دوسروں کو سوشل میڈیا پر ان کی توہین کرتے ہوئے سزا دے سکتے ہیں۔

یونیورسٹی آف اِلینوائے، یونیورسٹی آف اوٹاگو اور یونیورسٹی آف پرٹش کولمبیا کے محققین نے یہ جاننے کے لیے کہ کون سے لوگ ’وجلانٹے‘ شناخت اپناتے ہیں، ایک وجلانٹے آئیڈینٹیٹی اسکیل بنایا ہے۔

یونیورسٹی آف اِلینوائے میں نفسیات میں ڈاکٹریٹ کے امیدوار فین شوان چین کا کہنا تھا کہ یہ وہ لوگ ہوتے ہیں جو خود کو سزا دینے والا سمجھتے ہیں اور ماحول پر نظر رکھتے ہیں۔

انہوں نے مزید کہا کہ ان کے جوابات یہ بتاتے ہیں کہ انہیں مستقبل کے مجرموں کو سبق سکھانے کے لیے معصوموں کو سزا دینے سے کوئی مسئلہ نہیں اور یہ لوگ واجب العمل طریقے کو نظر انداز کرنے کے لیے تیار رہتے ہیں۔

محققین کے مطابق یہ اسکیل ان امیدواروں کی اسکریننگ کے لیے کارآمد ہوسکتا ہے جو پولیس یا ملٹری میں کام کرنا چاہتے ہوں۔