نیشنل اوشیئنک اینڈ ایٹماسفیئرک ایڈمنسٹریشن (NOAA) کے مطابق دنیا بھر میں سطح سمندر تیزی سے بلند ہو رہی ہے اور 2006 سے 2015 تک ہر سال بلندی کی شرح پوری 20 ویں صدی کی نسبت دُگنی ہو چکی ہے۔

20 وی صدی میں یہ شرح 0.06 انچ فی سال تھی جبکہ 2006 سے 2015 تک یہ شرح بڑھ کر 0.14 انچ تک پہنچ گئی۔

NOAA نے پیش گوئی کی ہے کہ اگلی صدی کے ابتداء تک سمندروں کی سطح جو 2000 میں تھی اس سے کم از کم ایک فٹ تک بلند ہو چکی ہوگی۔

جبکہ اقوامِ متحدہ کے موسمیاتی تغیر پر بین الحکومتی پینل کے اندازے کے مطابق سال 2100 تک 16 سے 25 انچز تک بڑھ جائے گا۔

نیچر کمیونیکیشنز نامی جرنل میں 2019 میں شائع ہونے والی تحقیق کے مطابق سطح سمندر کا اس حد تک بڑھنا دنیا بھر میں تباہی پھیلا سکتا ہے۔ 2100 تک تمام برِاعظموں میں 25 کروڑ افراد کو براہ راست متاثر کر سکتا ہے۔

یونیورسٹی آف پلائماؤتھ میں کوسٹل جیومارفولوجی کے پروفیسر جرڈ میسے لنک کا کہنا تھا کہ شہروں اور ممالک کا اس سے مکمل طور پر ختم ہونا اس بات پر منحصر ہے کہ انسان اس خطرے سے نمٹنے کے لیے کیا کر رہے ہیں۔

انہوں نے کہا کہ دی نیدرلینڈز کا زیادہ تر حصہ سطح سمندر سے پست ہے لیکن وہ نہیں ڈوب رہا کیوں کہ ڈچ اپنے ساحلی دفاع کو قائم کر رہے ہیں اور برقرار رکھے ہوئے ہیں۔