ناسا نے اٹلی کے شہر سِسلی کے علاقے رگُوسا میں کھجور کے درخت کے اوپر بننے والے اُلٹے قوسِ قزح کی خوبصورت تصویر شیئر کی ہے۔

رنگوں کی یہ مخصوص قوس شش پہلو برف کی کرچیوں کے ’برف کے ہالے‘ کی ایک مثال ہے اور انعطاف اور انعکاس کا ایک مظہر ہے۔

عموماً ایک قوسِ قزح، جس میں محراب جھُک کر اُفق کی جانب آتے ہیں، پانی کے قطروں سے منعطف ہونے والی سورج کی روشنی کے سبب بنتا ہے۔

اس قوسِ قزح کی نشان دہی ایک اطالوی فلکیاتی فوٹوگرافر اور پرائمری اسکول  ٹیچر مارسیلا گوئیلیا نے کی جب سورج آسمان میں نیچے تھا۔

انہوں نے اپنی فوٹو پر کیپشن دیا کہ ایسا لاتعداد بار ہمارے اوپر ہوگا اور نظر انداز کردیا جائے گا کیوں کہ جس بھی چیز کی ہمیں ضرورت ہوتی ہے اکثر ہمارے سامنے ہوتی ہے یا ہمارے جُھکے ہوئے سروں کے ساتھ ہمارے موبائل پر ہوتی ہے۔

انہوں نے مزید کہا کہ کئی لوگ سرکمزینیٹل محراب کو ’مسکراتے قوسِ قزح‘ کے طور پر بتاتے ہیں کیوں کہ اس کے رنگ ایک عمومی قوسِ قزح کی نسبت الٹے ہوتے ہیں۔

اس تصویر کو ناسا نے گزشتہ روز اپنی آسٹرونومی پکچر آف دی ڈے کے طور پر چُنا تھا۔

ایک عمومی قوسِ قزح متعدد رنگوں والی محراب ہوتی ہے جو پانی کے قطروں سے ٹکرانے والی روشنی سے بنتا ہے۔