مغربی ناروے میں وائکنگز کا طویل عرصے سے دفن جہاز 30 فِٹ گہرائی سے دریافت کر لیا گیا۔

ماہرینِ آثارِ قدیمہ کا ماننا ہے کہ یہ جگہ ممکنہ طور پر کسی اعلیٰ مرتبے کے شخصیت کی قبر ہو سکتی ہے۔

ماہرینِ آثار قدیمہ کی جانب سے اس جہاز کی دریافت مغربی ناروے کے قریب اویسلیٹا کے قریب ہوئی۔

ماہرین کی ٹیم نے اس دریافت کے لیے گراؤنڈ پینیٹریٹنگ ریڈار کا استعمال کیا۔

تحقیق کی سربراہی اوسلو میں قائم نارویجیئن اِنسٹیٹیوٹ فار کلچرل ہیریٹیج ریسرچ نے کی۔

ماہرِ آثارِ قدیمہ جینی کوسیوِک کی سربراہی میں کام کرنے والی ٹیم کے مطابق کشتی میں دفن ہوئے شخص کے متعلق کچھ بھی نہیں معلوم لیکن اس قسم کی تدفین برادری کے اہم ترین افراد کی ہوتی تھی، ان کا مرتبہ بہت اعلیٰ ہوتا تھا۔

انہوں نے کہا کہ ان دنوں میں کشتیاں مہنگی چیز ہوا کرتی تھیں، اس میں جو بھی دفن ہوتا تھا وہ اہم ہوتا تھا اور اس چیز کو واضح کرنے کے لیے ان کی اتنی مہنگی تدفین کی جاتی تھی۔ عموماً اعلیٰ مرتبے کے لوگوں کی کشتی میں تدفین کی جاتی تھی۔

30 فِٹ لمبی چھ سواریوں والی یہ کشتی 1500 سے 2000 سال پُرانی ایک فعال وائکنگز کمیونیٹی میں متعدد مقربوں کے ٹیلوں کے ساتھ دریافت ہوئی۔