سوشل میڈیا صارفین ایک عورت کے عجیب و غریب مسئلے پر پریشان ہیں، جس کا بوائے فرینڈ اپنا تقریباً سارا فارغ وقت وراثت میں ملی اپنی جائیداد پر سرنگ کھودنے میں صرف کرتا ہے۔

27 سالہ خاتون نے نام ظاہر نہ کرتے ہوئے Reddit پوسٹ میں لکھا کہ اس کے 31 سالہ بوائے فرینڈ نے اپنی ‘قابل ذکر گہری’ سرنگ پر کام کرتے ہوئے تقریباً ایک سال گزارا ہے اور جب وہ گھر واپس آتا ہے تو ہمیشہ ‘خوش’ دکھتا ہے۔

خاتون اس کی جسمانی حفاظت اور ذہنی صحت کے بارے میں فکر مند ہیں۔

خاتون نے کہا کہ اب اُس کی کوئی سماجی زندگی نہیں ہے اور وہ بمشکل اس کے ساتھ وقت بھی گزارتا ہے کیونکہ وہ زمین میں اس گندے گڑھے کو کھودنے کے علاوہ کچھ نہیں کر رہا ہے۔

خاتون کی مشورے کی درخواست ٹویٹر پر وائرل ہو گئی ہے، جہاں ہزاروں لوگوں نے حیرت اور الجھن کا اظہار کیا ہے اور اس آدمی کے عجیب و غریب شوق کے بارے میں لطیفے گڑھے ہیں۔

پوسٹ کا عنوان ‘میں اپنے بوائے فرینڈ کو سرنگ کھودنے سے کیسے روک سکتی ہوں؟’ رکھا گیا ہے۔

خاتون نے کہا کہ اس کی سب سے بڑی تشویش اس کے بوائے فرینڈ کی حفاظت ہے، کیونکہ اسے خدشہ ہے کہ سرنگ اس پر گر سکتی ہے۔

انہوں نے مزید کہا کہ ‘میں نے اس تشویش کا اظہار اس سے کرنے کی کوشش کی ہے، لیکن اس نے صرف ہنس کر مجھے یقین دلایا کہ وہ ٹھیک ہے۔’