اس خبر میں آج ہم آپکو بتائیں گے کہ کروڑوں سال قدیم ڈائنا سور کے بچے کا ڈھانچہ کہاں سے ملا۔

غیر ملکی خبر رساں ادارے کی رپورٹ کے مطابق یورپی ملک پرتگال میں ایک گھر کی کھدائی کے دوران دنیا کے سب سے بڑے ڈائنا سار کے بچے کی باقیات مل گئیں۔

رپورٹ میں کہا گیا کہ لزبن یونیورسٹی کے ماہرین نے ماہ اگست کے آغاز میں پرتگالی شہر پومبل میں کھدائی مکمل کر کے ایک بڑے ڈائنا سار کے ڈھانچے کے کچھ حصے نکالے۔

ڈائناسار کی یہ ہڈیاں 2017 میں اس وقت دریافت ہوئی تھیں جب ایک شخص اپنے گھر میں تعمیراتی کام کروا رہا تھا اور اس کے بعد سے ماہرین وہاں کھدائی کر رہے تھے۔

اس حوالے سے محققین کا کہنا تھا کہ اس ڈھانچے کے ملنے پر ہم بہت پرجوش ہیں، یہ ڈائنا سار بہت اچھے طریقے سے محفوظ ہوگیا تھا اور اس سے زمانہ قدیم میں اس خطے میں ڈائنا سارز کے بارے میں کافی کچھ جاننے کا موقع ملے گا۔

ماہرین نے کہا کہ یہ ڈھانچہ ڈائنا سار کی ایک قسم ’بریچیوسورس‘ کا ہے جو 6 سے 16 کروڑ سال پہلے زمین پر گھوما کرتے تھے، زمین پر پائے جانے والے دنیا کے سب سے بڑے ڈائنا سار کی نسل تھی جو 82 فٹ چوڑا اور 39 فٹ لمبا ہوتا تھا۔

محققین نے اس ڈائنا سار کے ڈھانچے کی پسلیوں اور چند دیگر حصوں کو نکالا اور انہیں توقع ہے کہ وہ پورا ڈھانچہ دریافت کرسکیں گے۔

محققین کے مطابق جب تحقیقی کام پورا ہوجائے گا تو یہ یورپ میں ڈائنا سار کا سب سے بڑا ڈھانچہ ثابت ہوسکتا ہے، یہ عام بات نہیں کہ کسی جانور کی پسلیاں اس طرح دریافت ہوجائیں۔

واضح رہے کہ ڈائناسار کو دنیا میں پائے جانے والے جانوروں میں خصوصی اہمیت حاصل رہی ہے کیونکہ یہ اپنی خوفناک جسامت، لمبے قد اور طاقت کی وجہ سے دیگر جانوروں سے منفرد ہوتے تھے۔