مشرقی پنجاب میں شہری سستا راشن لینے کے لیے مرسڈیز گاڑی میں پہنچ گیا۔
انڈیا ٹائمز کے مطابق سوشل میڈیا پر ایک ویڈیو تیزی سے وائرل ہو گئی ہے جو کہ مشرقی پنجاب کے شہر ہوشیارپور سے سامنے آئی ہے جہاں ایک شخص نیلے رنگ کی مرسڈیز گاڑی میں آتا ہے اور سبسڈائزڈ چاول، آٹا، دالیں اور دیگر اشیاء خرید کر اپنی گاڑی کی ڈگی میں رکھتا ہے اور روانہ ہو جاتا ہے۔
رپورٹ میں بتایا گیا ہے کہ یہ سبسڈائزڈ راشن ان شہریوں کے لیے مخصوص دکانوں پر مہیا کیا گیا ہے جو غربت کی لکیر سے نیچے زندگی گزار رہے ہیں اور مہنگائی کے اس دور میں بچوں کا پیٹ پالنے کی سکت بھی نہیں رکھتے۔
مشرقی پنجاب میں یہ سبسڈائزڈ اشیاء 2 روپے فی کلوگرام تک کی انتہائی کم قیمت میں غریبوں کے لیے دستیاب ہے اور ان راشن ڈپوز پر آٹا مفت میں دیا جا رہا ہے۔
حکومتی ڈپو سے کروڑوں روپے مالیت کی گاڑی کے مالک کے راشن خریدنے پر صارفین اس شخص کو کڑی تنقید کا نشانہ بنا رہے ہیں اور مختلف تبصروں کا سلسلہ بھی جاری ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
