شوہر نے بیوی کا گردہ چوری کر کے بیچ ڈالا

ویب ڈیسک

13th Sep, 2022. 05:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شوہر نے بیوی کا گردہ چوری کر کے بیچ ڈالا

بھارت میں شوہر نے اپنی بیوی کا گردہ چوری کر کے بیچ دیا۔

بھارتی میڈیا رپورٹس کے مطابق یہ واقعہ بھارتی ریاست اڑیسہ کے گاؤں کوڈومیٹا میں پیش آیا جہاں خاتون نے یہ دعویٰ کردیا کہ ان کے شوہر پراسنت کونڈو نے ان کا گردہ چوری کر کے بلیک مارکیٹ میں فروخت کردیا ہے۔

خاتون رنجیتا کونڈو نے بتایا کہ شوہر پراسنت کونڈو نے چار سال قبل دھوکے سے اس کا گردہ چوری کیا تھا جسے بعد ازاں فروخت کردیا گیا۔

انہوں نے کہا کہ کافی دن سے پیٹ اور کمر میں غیر معمولی تکلیف تھی جس کے معائنے کے لیے وہ ڈاکٹر کے پاس گئی جہاں اسے پتہ چلا کہ اس کے جسم میں صرف ایک گردہ ہے۔

ان کا کہنا تھا کہ اسے 2018 میں گردے میں پتھری ہونے کے باعث اسپتال میں داخل کیا گیا تھا، شوہر نے کہا تھا آپریشن ہوگا اور یہ پتھری نکال دی جائے گی لیکن اس نے گردہ ہی نکلوا دیا۔

رنجیتا کونڈو نے کہا کہ اسے اس وقت علم اس لیے نہیں ہوا کیونکہ بے ہوشی کا انجیکشن دیا گیا تھا۔

واضح رہے کہ خاتون کا شوہر بنگلا دیشی شہری ہے جو غیر قانونی امیگرینٹ کے طور پر رہائش پذیر تھا۔

خاتون کے مطابق ان کی شادی کو 12 سال ہوچکے ہیں اور ان کے دو بچے بھی ہیں، دو ماہ قبل ان کا شوہر کسی عورت کے ہمراہ فرار ہوگیا جس کے بعد اب وہ اپنی والدہ کے گھر رہ رہی ہیں۔