مرسیڈیز بینز گاڑی دنیا کی مشہور اور مہنگی ترین گاڑیوں میں سے ایک ہے جسے تیار کرنے میں کافی لاگت آتی ہے اور یہ مہنگے داموں میں بکتی ہے جسے ہر کوئی نہیں خرید سکتا۔

گاڑی کی قیمت کو دیکھتے ہوئے اسے محفوظ بنایا جاتا ہے تاکہ کسی حادثے میں زیادہ نقصان نا ہو۔

دوسری طرف ٹریکٹر جو کہ سامان کو ایک جگہ سے دوسری جگہ منتقل کرنے میں کام آتا ہے دیکھنے میں کافی بڑا اور مظبوط نظر آتا ہے، لیکن آج ہم آپ کو ایسا قصہ بتائیں گے کہ آپ کو اپنی آنکھوں پر یقین نہیں آئے گا۔

بھارت میں آندھرا پردیش کے تروپتی کے قریب چندراگیری بائی پاس روڈ پر مرسڈیز بینز کار سے ٹکرانے کے بعد ایک ٹریکٹر کے دو ٹکڑے ہو گئے۔

یہ واقعہ اس وقت پیش آیا جب مخالف سمت سے آرہا ایک ٹریکٹر غلط سمت سے آکر مرسڈیز بینز کار سے ٹکرا گیا۔

خوش قسمتی سے ٹریکٹر ڈرائیور معمولی سا زخمی ہوا جبکہ کار میں سوار مسافر محفوظ رہے۔

Tractor breaks into 2 parts after collision with Mercedes near Tirupati pic.twitter.com/W3Iwp0LLfX

— Ahmed Khabeer احمد خبیر (@AhmedKhabeer_) September 27, 2022

واقعے کی ویڈیو میں دیکھا جا سکتا ہے کہ ٹریکٹر حادثے کا شکار ہو کر دو حصوں میں تقسیم ہو گیا ہے جبکہ کار کو صرف آگے سے نقصان پہنچا ہے۔

ویڈیو سوشل میڈیا پر وائرل ہوئی تو صارفین حیران ہوگئے اور انہیں اپنی آنکھوں پور یقین نا آیا کہ ایک بڑا ٹریکٹر چھوٹی گاڑی سے ٹکرانے کے بعد دو ٹکڑوں میں کیسے تقسیم ہوگیا۔