اس خبر میں آج ہم آپکو بتائیں گے کہ امریکہ میں بیسن کھڑکیوں کے پاس کیوں لگوائے جاتے ہیں۔

امریکہ میں اکثر گھروں کے بیسن کھڑکیوں کے پاس لگوائے جاتے ہیں لیکن کیا آپ جانتے ہیں کہ اس کی اصل وجہ کیا ہے؟

ہم میں سے بعض لوگ اس کی اصل وجہ سے واقف ہی نہیں ہوں گے کیوں کہ یہ چیز ایسی ہے جس پر شاید ہی کسی نے دھیان کیا ہو، تو آئیے اس خبر کے ذریعے ہم آپکو اس سے متعلق آگاہی فراہم کریں گے۔

چھوٹا پائپ لگانا پڑتا ہے:

چونکہ کھڑکی باہر کی دیوار پر ہوتی ہے اس لئے اس دیوار کے ساتھ پلمبنگ کے لیے زیادہ بڑا پائپ استعمال نہیں کرنا پڑتا جبکہ یہ طریقہ سستا بھی پڑتا ہے۔

کسی خرابی کی صورت میں کم نقصان ہوتا ہے:

بیسن کی نالی میں کچھ پھنس جانے کی صورت میں اگر کچھ توڑنا پڑے تو گھر کے اندرونی حصے میں کم سے کم نقصان ہوتا ہے۔

ناگوار بو نہیں ٹہرتی:

بیسن کے اندر گندے برتن رکھ کر دھونے سے ناگوار بو پیدا ہوجاتی ہے لیکن سامنے کھڑکی کی موجودگی سے وینٹیلیشن مل جاتی ہے اور بو اندر نہیں ٹہرتی۔

وہیں دوسری جانب برطانیہ میں اکثر گھروں کے باتھ روم میں موجود واش بیسن یا پھر کچن میں موجود سِنک پر دو نل نظر آتے ہیں، لیکن کیا آپ جانتے ہیں کہ ایک ہی واش بیسن یا سِنک دو علیحدہ نل لگانے کی وجہ کیا ہے؟

بنیادی طور پر اس برطانوی روایت کی 3 وجوہات ہیں۔

تاریخی، قانون کا احترام اور معاشی نقطہ نظر۔

تاریخی:

برطانیہ میں زیادہ تر رہائش گاہیں 19 ویں صدی یا پھر 20 ویں صدی کے آغاز کی ہیں، یہ وہ وقت تھا جب پانی کے مکسر یا پھر جدید والوز وجود میں نہیں آئے تھے۔

جب دیواروں کے اندر پانی کی لائنیں بچھانے کا سسٹم متعارف کروایا گیا تو اس وقت سے صرف ٹھنڈے پانی کے لیے لائن بچھائی جاتی تھی جس میں براہ راست نیٹ ورک سے ٹھنڈا پانی کچن یا باتھ روم کو فراہم کیا جاتا تھا۔

جبکہ گرم پانی کے لیے لائن بیرونی طور پر فراہم کی جاتی تھی اور اسی وجہ سے بعد میں اندرونی طور پر ہی دونوں پانی کی لائنیں بچھانے کا سسٹم متعارف کروایا گیا۔

قانون کا احترام:

برطانیہ میں ایک قانون ہے جس کے تحت ٹھنڈے پانی اور گرم پانی کو بوائلر کے ذریعے ملانے پر پابندی ہے۔

حقیقت یہ ہے کہ ملک میں کوئی مرکزی حرارتی نظام موجود نہیں ہے، ایک عرصہ قبل ایک خاص سلنڈر بوائلر کا لازمی حصہ تھے لیکن ان میں موجود پانی زنگ آلود ہوجاتا تھا جسے پینا خطرناک تھا۔

اس لیے لوگوں کو پانی مکس کرنے کے عمل سے روکنے کے لیے یہ قانون متعارف کروایا گیا۔

معاشی نقطہ نظر:

دو الگ الگ نلکوں کا استعمال کرتے وقت، سارا پانی مکس ہو کر آپ کو صحیح مقدار میں مل جاتا ہے اور آپ اپنے ہاتھ دھوتے ہیں۔

اس طرح آپ صرف اس پانی کو ضائع کرتے ہیں جو آپ استعمال کرتے ہیں لیکن جب آپ کے پاس واٹر مکسر ہے تو آپ صحیح درجہ حرارت کو منتخب کرنے کے انتظار میں نلکوں کو کھولے رکھتے ہیں جس سے پانی ضائع ہوتا ہے اور پھر زیادہ پانی استعمال کرتے ہوئے اپنے ہاتھ دھونے لگتے ہیں۔