طیارے میں نیل پالش کی بُو نے حکام کی دوڑیں لگوا دیں

ویب ڈیسک

03rd Sep, 2022. 05:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

طیارے میں نیل پالش کی بُو نے حکام کی دوڑیں لگوا دیں

امریکا میں ایک مسافر طیارے میں پھیلنے والی نیل پالش کی بو نے حکام کی دوڑیں لگوا دیں۔

غیر ملکی میڈیا کے مطابق امریکا میں ایک مسافر طیارے میں پھیلنے والی غیر معمولی بو نے ایمرجنسی رسپانس سروس کی دوڑیں لگوا دیں، بعد میں معلوم ہوا کہ وہ بو نیل پالش کی ہے۔

امریکن ایئر لائنز کی مذکورہ پرواز نے فلاڈلفیا سے اڑان بھری اور اپنے وقت کے مطابق نارتھ کیرولینا کے شارلٹ ڈگلس ایئر پورٹ پر لینڈ کر گئی، مسافروں کے طیارے سے اُترنے تک سب کچھ معمول کے مطابق تھا۔

جیسے ہی عملے نے سامان نکالنے کے لیے کارگو کمپارٹمنٹ کھولا تو ایک نہایت تیز اور غیر معمولی بُو ان کو محسوس ہوئی جس کے بعد فوراً ایمرجنسی الارمز بجا دیے گئے۔

اسی دوران 5 فائر فائٹرز کسی بھی غیر متوقع صورتحال سے نمٹنے کے لیے وہاں پہنچ گئے، بعد میں معلوم ہوا کہ ایک بیگ میں نیل پالش کی بوتل رکھی تھی جس کے ٹوٹنے سے اس کی بو کمپارٹمنٹ میں پھیل گئی تھی۔