آج ہم آپکو بچوں کی ذہانت پتہ کرنے کے 5 آسان طریقے بتائیں گے۔

تمام والدین چاہتے ہیں کہ اُن کے بچے ذہین ہوں اور اگر وہ کسی اسکول میں بھی پڑھتے ہیں تو کلاس میں باقی بچوں سے انہیں آگے دکھنے کے خواہشمند ہوتے ہیں۔

لیکن والدین کی سب سے بڑی غلطی یہ ہوتی ہے کہ وہ اپنے بچوں کی ذہانت کا اندازہ اسکول کے امتحانات میں آنے والی پوزیشنز سے لگا رہے ہوتے ہیں جبکہ یہ غلط نظریہ ہے۔

اکثر فیل ہونے والا بچہ فرسٹ آنے والے بچے سے زیادہ ذہین ہوتا ہے لیکن بس بات توجہ کی ہوتی ہے۔

تو آئیے ہم آپکو بچوں کی ذہانت پتہ کرنے کے 5 آسان طریقے بتاتے ہیں۔

یادداشت کا اچھا ہونا:

اگر آپ کے بچے کو ہر پرانی بات یاد رہے اور اسے کچھ نہ بھولتا ہو تو سمجھ لیں کہ آپ کا بچہ واقعی ذہین ہے۔

یادداشت اچھی کرنے کے لیے ضروری ہے کہ اپنے بچوں کو پھل اور ڈرائی فروٹ کھلائیں جبکہ دودھ بچوں کو روزانہ دیں۔

بچوں کے ایسے سوال جو آپ کو سوچنے پر مجبور کریں:

کچھ بچے بہت سے سوالات کرتے ہیں، وہ اس لیے ایسا کرتے ہیں کہ انہیں ہر چیز جاننے کا جنون ہوتا ہے۔

وہ اس لیے ایسے کرتے ہیں تاکہ ان کی معلومات میں اضافہ ہو، وہ کسی سے پیچھے نہ رہ سکیں۔

ہر چیز میں توجہ:

ذہین بچوں کی کوشش ہوتی ہے کہ وہ جو کام کریں، پوری توجہ کے ساتھ کریں۔

ایک کام کے وقت محض ایک ہی کام کریں لیکن اسے اچھی طرح سے پایہ تکمیل تک پہنچائیں، اچھی توجہ بھی بچوں کی ذہانت کی نشانی ہے۔

تجسس:

ذہین بچوں کی یہ نشانی ہوتی ہے کہ وہ ہر وقت تجسس میں ہوتے ہیں، انہیں ہر چیز جاننا ہوتی ہے۔

ان کا یہ ہی جنون انہیں زندگی میں بہت آگے لے کر جاتا ہے، یہ بچے کافی ذہین ہوتے ہیں۔

 کتابوں میں دلچسپی

جو بچے مطالعہ کرتے ہیں، مختلف کتابیں پڑھنے کو اپنا مشغلہ بناتے ہیں وہ بچے انتہائی ذہین ہوتے ہیں۔

ضروری نہیں کہ یہ کتابوں سے مطالعہ کریں بلکہ انٹرنیٹ پر بھی آج کل بہت سے بچے مطالعہ کرنے کے عادی ہیں۔

 کوشش کریں اپنے بچوں کو شروع سے ہی کتابوں سے محبت کرنا سکھائیں تاکہ وہ ذہین ہو سکے۔