کیا آپ جانتے ہیں کہ ہر وقت کارٹون دیکھنے والا بچہ کن 5 بڑے مسائل کا شکار ہو سکتا ہے؟ بیشر افراد کو معلوم ہی نہیں ہوگا تو آئیے اس خبر میں آج ہم آپکو بتاتے ہیں۔

بچہ روبوٹ میں تبدیل:

ایسے بچے جو ہر وقت کارٹون دیکھتے رہتے ہیں وہ ایک خیالی دنیا کے باسی بن جاتے ہیں جہاں پر ہر اصل نظر آنے والی چیز درحقیقت غیر فطری ہوتی ہے جبکہ بچہ خود بھی ایک روبوٹ کی طرح برتاؤ کرنے لگتا ہے۔

صحت پر اثرات:

ہر وقت کارٹون دیکھنے کا اثر بچے کی جسمانی صحت پر بھی ہوتا ہے، ایسے بچے سست ہو جاتے ہیں اور جسمانی سرگرمیوں سے دور رہنے کی کوشش کرتے ہیں۔

اس کے ساتھ ساتھ مستقل اسکرین کے سامنے بیٹھے رہنے سے ان کو نظر کی کمزوری اور سر درد کے مسائل کا بھی سامنا ہو سکتا ہے اور کم عمری میں ہی چشمہ لگ جاتا ہے۔

تشدد پسند رویہ:

کارٹون میں زيادہ تر مار دھاڑ یا بُری زبان اور موضوعات کا استعمال ہوتا ہے جس سے بچے براہ راست اس سے متاثر ہوتے ہیں اور بعض اوقات مار پیٹ جیسی سرگرمیوں میں ملوث ہو سکتے ہیں۔

وقت سے قبل بلوغت:

زيادہ تر کارٹون فلمز لو اسٹوریز پر مشتمل ہوتے ہیں، جن میں کارٹون کے ذریعے ہی مکمل ایسے سین بھی پیش کیے جاتے ہیں جو بالغ لوگوں کے ڈراموں یا فلموں میں ہوتے ہیں ان کے زيرِ اثر بچے بہت متاثر ہوتے ہیں۔

غلط کو صحیح کہنا:

زيادہ تر کارٹون مغرب میں تخلیق کیے جاتے ہیں جس میں ایسے کردار سپر پاور کے طور پر پیش کیے جاتے ہیں جو طاقتور اور منفی سوچ کے حامل ہوتے ہیں جس کے ذریعے مغرب مسلمان بچوں کو دجال کی حکومت کے لیے ذہنی طور پر تیار کرنے کی ایک سازش ہے۔

یہ تمام ایسے نقصان ہیں جو کہ ہماری نسل کو دیمک زدہ بنا رہی ہے۔ اگرچہ اس کا مقابلہ کرنے کے لیے کچھ ایسے کارٹون بھی بنائے جا رہے ہیں جو کہ مشرقی معاشرت کے متعلق ہیں مگر یاد رکھیں کہ وہ بھی تو کارٹون ہی ہیں جن کو دیکھنا آپ کے بچے کی ذہنی نشو نما کو متاثر کرنے کا سبب بن سکتے ہیں۔