ڈاکٹرز 72 سالہ شخص کے گلے سے’ناریل کے سائز کا ٹیومر‘ نکالنے میں کامیاب ہو گئے۔

غیر ملکی خبررساں ادارے کے مطابق بیگوسرائے ضلع کے رہنے والے مریض کو پچھلے چھ ماہ سے سانس لینے اور کھانا نگلنے میں دشواری کا سامنا تھا۔

اس مریض کے حوالے سے ڈاکڑ نے کہا کہ  اتنے سالوں کی مشق کے دوران میں نے تھائیرائیڈ ٹیومر کے ایسے 250 سے زیادہ کیسز کیے ہیں لیکن وزن اور سائز کے لحاظ سے یہ ایک انوکھا کیس تھا۔

انہوں نے بتایا کہ عام طور پر تھائیرائیڈ گلینڈ کا وزن 10-15 گرام ہوتا ہے اور سائز 3-4 سینٹی میٹر کا ہوتا ہے۔

لیکن اس تھائیرائیڈ گلینڈ کا سائز 18-20 سینٹی میٹر یعنی ایک ناریل سے بڑا سائز۔

ڈاکٹر نے بتایا کہ اس کیس میں سب سے بڑا چیلنج ٹیومر کو نکالتے وقت مریض کی آواز کو بچانا تھا۔

تاہم ڈاکٹر اپنا چیلنج پورا کرنے میں بھر پور کامیاب بھی ہوئے۔

 “اس قسم کے بڑے ٹیومر میں، کیلشیم کا تحفظ اور پیرا تھائیرائڈ گلینڈز کو برقرار رکھنا بھی ایک بڑا چیلنج ہے۔

تاہم ہم چاروں پیرا تھائیرائڈ گلینڈزکو کامیابی کے ساتھ محفوظ رکھنے میں کامیاب رہے۔

تھائیرائڈ گلینڈ ایک تتلی کی شکل کا عضو ہے جو گردن کے نیچے واقع ہوتا ہے یہ ہارمونز جاری کرتا ہے جو میٹابولزم کو کنٹرول کرتا ہے۔

 واضح رہے یہ ایک بہت بڑی سرجری تھی جس کو کرنے میں  تقریباً تین گھنٹے لگے۔