کیا آپ کو دانت برش کرنے کے باوجود سانس کی بو برقرار رہنے کی عام وجہ معلوم ہے؟

لوگ برش کرنے کے باوجود سانس کی بو برقرار رہنے کا باعث بننے والی ایک عام غلطی کرتے ہیں، جس کا اگر خیال رکھا جائے تو اس پریشان کن مسئلے سے نجات ممکن ہے۔

عام طور پر زبان، دانتوں اور مسورڑوں پر غذا کے ذرات جمع ہونے سے سانس کی بو متاثر ہو جاتی ہے، یہ ذرات جب سڑ جاتے ہیں تو منہ سے ناخوش گوار بو آنے لگتی ہے۔

اس کا علاج تو دانتوں کے برش اور خلال کو یقینی بنانا ہے مگر ایک غلطی جو لوگ کرتے ہیں وہ زبان کی جانب توجہ مرکوز نہ کرنا ہے، زبان پر مخصوص بیکٹیریا موجود ہوتے ہیں جو خوراک کے ذرات کے ساتھ مل کر سانس میں بو کا باعث بنتے ہیں۔

اس سے نجات کا طریقہ یہ ہے کہ برش کے ریشوں کے پیچھے موجود حصے کو زبان پر پھیرنے سے وہاں اکٹھے ہوجانے والے بیکٹریا کی صفائی ہو جاتی ہے، اور اس سے سانس کی بو کے مسئلے کی روک تھام آسان ہو جاتی ہے۔

آسان الفاظ میں اگر آپ کو اکثر سانس میں بو کے مسئلے کا سامنا ہوتا ہے تو دانتوں پر برش کے ساتھ ساتھ زبان کی صفائی کو معمول بنانے سے اس کی روک تھام ممکن ہو سکتی ہے۔

خیال رہے کہ سانس کی بو کی متعدد وجوہات ہو سکتی ہیں لیکن 80 سے 85 فی صد کیسز میں اس کی وجہ منہ میں موجود بیکٹیریا ہوتے ہیں۔